આજે ભાજપ હારશે તો શેર બજાર પણ ખળભળશે

મુંબઈ તા.14
કર્ણાટકમાં ચૂંટણીના પરિણામ બાદ ભાજપ પોતાની રીતે અથવા તો ઉંઉજના સમર્થનથી સરકારની રચના કરશે તો શેરબજારમાં મર્યાદિત તેજી જોવા મળે તેવી ધારણા છે. તેનું કારણ એ છે કે બજારે કર્ણાટકની વિધાનસભાની ચૂંટણીમાં ભાજપને વિજયની શક્યતાને અગાઉથી ડિસ્કાઉન્ટ કરી દીધી છે. જો રાજ્યમાં ભાજપનો પરાજય થશે તો સંભવિત તેજી કરતાં બજારમાં ઘટાડો વધુ તીવ્ર બને તેવી ધારણા છે.
જો આ ચૂંટણીના રિઝલ્ટ બાદ રાજ્યમાં ભાજપ સરકાર બનાવશે તો નિફ્ટીમાં 2.1 ટકા સુધી તેજી આવી શકે છે. આવી સ્થિતિમાં નિફ્ટી 10,806.5ના શુક્રવારના બંધ સ્તરથી વધીને 11,035ની સપાટી સુધી જઈ શકે છે. કર્ણાટક વિધાનસભાની ચૂંટણીના રિઝલ્ટની જાહેરાત 15એ થશે. આનાથી વિપરીત ચૂંટણીમાં ભાજપનો પરાજય થશે તો બજારમાં 3.4 ટકા સુધી કરેક્શન આવી શકે છે. આ સ્થિતિમાં નિફ્ટી 10,435 પોઇન્ટ્સ થઈ શકે છે, કારણ કે બોન્ડની યીલ્ડમાં
વધારો થઈ રહ્યો છે અને ડોલર સામે રૂપિયામાં નરમાઈ છે.
હાલની ડેરિવેટિવ્ઝ એક્સ્પાયરી (31 મે)ના ઓપ્શનની ઓપન ઇન્ટરેસ્ટના આધારે સંકેત મળે છે કે નિફ્ટીમાં 10,500ના સ્તરે મહત્તમ સપોર્ટ છે અને 11,000ના સ્તરે અવરોધ આવી શકે છે. જો ભાજપ રાજ્યમાં ઉંઉજના સમર્થન સાથે પણ સરકાર બનશે તો તેનાથી બજારના સેન્ટિમેન્ટને પોઝિટિવ અસર થશે અને બજારમાં તેવી આવશે.
પોલ ઓફ પોલ્સમાં ત્રિશંકુ વિધાનસભાનો અંદાજ વ્યક્ત કરાયો છે. તેમાં ભાજપને સૌથી વધુ બેઠકો મળવાની ધારણા છે અને ઉંઉજને 19થી 38 બેઠકો મળી શકે છે. બજારે વત્તાઓછા પ્રમાણમાં ભાજપના વિજયના પરિબળને ધ્યાનમાં લઈ લીધું છે અને તેથી અપસાઇડ મર્યાદિત બનવાની ધારણા છે. પરંતુ જો ભાજપ માટે અપસેટ સર્જાશે તો બજારમાં તેના કરતાં વધુ તીવ્ર કરેક્શન આવી શકે છે.
બજારે રાજ્ય વિધાનસભાની ચૂંટણીમાં ભાજપને વિજયને ડિસ્કાઉન્ટ કર્યું હોવાનો પુરાવો વોલેટિલિટી ઇન્ડેક્સમાં પણ જોવા મળે છે. ઇન્ડિયા વીઆઇએક્સ ઇન્ડેક્સ 13.97ના તુલનાત્મક રીતે નીચા સ્તરે છે. નિફ્ટીના હાલની ડેરિટેવિટિવ્ઝ સિરીઝના ઓપ્શનનો પુટ કોલ રેશિયો (પીસીઆર) પણ એક કરતાં ઊંચા સ્તરે છે. હાલમાં પીસીઆર 1.39 છે.
આનો અર્થ એવો થાય છે કે દરેક 100 કોલના વેચાણની સાથે ટ્રેડર્સે 139 પુટનું વેચાણ કર્યું છે. તેથી બજારમાં કરેક્શન કરતાં તેજીની શક્યતાને વધુ ધ્યાનમાં લેવામાં આવી છે.
બજારના નિષ્ણાતોએ જણાવ્યું હતું કે, આવી મહત્ત્વની ઇવેન્ટ પહેલાં નીચો વીઆઇએક્સ અને સાનુકૂળ પીસીઆર (અપસાઇડ માટે) દર્શાવે છે કે બજારને ચૂંટણીમાં ભાજપના વિજયની ધારણા છે. પરંતુ જો ચૂંટણીમાં ભાજપને નિરાશા મળશે તો બજારમાં કરેક્શન વધુ તીવ્ર બની શકે છે.
જો ભાજપનો પરાજય થશે તો વેચવામાં આવેલા પુટને કવર કરવામાં આવશે અને તેનાથી બજારમાં ઘટાડો તીવ્ર બની શકે છે. શુક્રવારે નિફ્ટીમાં આશરે 90 પોઇન્ટ્સનો ઉછાળો આવ્યો હતો, પરંતુ માર્કેટબ્રેડ્થ નેગેટિવ રહી હતી. 1,856 શેરોમાંથી માત્ર 707 શેર વધ્યા હતા અને 1,079 શેરો ઘટ્યા હતા.