Birthday Special : જાણો છો કિરણે એક્ટર અનુપમ ખેર સાથે કર્યા હતા બીજા લગ્ન! પહેલો પતિ હતો...

  • Birthday Special : જાણો છો કિરણે એક્ટર અનુપમ ખેર સાથે કર્યા હતા બીજા લગ્ન! પહેલો પતિ હતો...
    Birthday Special : જાણો છો કિરણે એક્ટર અનુપમ ખેર સાથે કર્યા હતા બીજા લગ્ન! પહેલો પતિ હતો...

મુંબઈ : બોલિવૂડનાં ફેમસ એક્ટર અનુપમ ખેર અને એક્ટરમાંથી રાજકારણમાં દબદબાભર્યું સ્થાન મેળવનાર કિરણ ખેરની ગણતરી બોલિવૂડના ગરવાઈભર્યા કપલ તરીકે થાય છે. જોકે બહુ ઓછા લોકોને ખબર કે અનુપમ ખેર રિયલ લાઇફમાં કિરણના બીજા પતિ છે અને તેણે પહેલાં પતિ ગૌતમ બેરી સાથે ડિવોર્સ લીધા પછી દીકરા સિકંદર બેરીને સાથે લઈને અનુપમ ખેર સાથે બીજા લગ્ન કરવાનું પસંદ પડ્યું હતું. 
બોલિવૂડ એક્ટર અનુપમ ખેર મૂળ કાશ્મીરના છે પરંતુ તેમના પિતા શિમલા ફોરેસ્ટ ડિપાર્ટમેન્ટમાં ક્લાર્ક હતા. અનુપમ ખેર અને તેમની પત્ની કિરણ ખેરની લવસ્ટોરી ચંદીગઢથી શરૂ થઇ હતી જ્યાં બંન્ને એક થિયેટર ગ્રુપમાં સાથે કામ કરતા હતા. કિરણ ખેર પંજાબની રહેવાસી છે. થિયેટર ગ્રુપમાં થયેલી બંન્નેની મુલાકાતથી બંને સારા મિત્રો બની ગયા હતા. અનુપમ ખેરે પરિવારની મરજી અનુસાર 1979માં મધુમાલતી નામની યુવતી સાથે લગ્ન કરી લીધા હતા પરંતુ તેઓ પોતાના લગ્નથી ખુશ નહોતા. અનુપમ ખેર અને પરિણીત કિરણની મુલાકાત કોલકત્તામાં નાદિરા બબ્બરના પ્લે દરમિયાન મુલાકાત થઇ હતી. ત્યાં વાતચીતમાં બંન્નેને અહેસાસ થયો કે બંન્ને વચ્ચે મિત્રતાથી વધુ પ્રેમ છે. આ પછી અનુપમ ખેરે કિરણને પ્રપોઝ કરી લીધું બાદમાં બંન્નેએ એકબીજાના પાર્ટનર્સને ડિવોર્સ આપી દીધા હતા અને 1985માં લગ્ન કરી લીધા. અનુપમ ખેરે કિરણના દીકરા સિકંદરને અપનાવી લીધો અને પોતાનું નામ પણ આપ્યું હતું. કિરણ ખેર બીજેપી સાંસદ છે.