સેકસ રેકેટમાં બોલીવુડની કોરિયોગ્રાફરની ધરપકડ

મુંબઈ,તા.16
મુંબઈ ક્રાઈમ બ્રાંન્ચે ગુરૂવારે સેકસ રેકેટ ચલાવવાનાં આરોપમાં બોલિવુડની એક કોરીયોગ્રાફરની ધરપકડ કરી છે. આરોપો મુજબ આ કોરીયોગ્રાફર કે જેનુ નામ એગ્નિસ હેમિલ્ટન છે તે કેન્યાની રાજધાની નૈરોબીમાં સેકસ રેકેટ ચલાવતી હતી. પોલીસના જણાવ્યા મુજબ આરોપી કોરીયોગ્રાફરે કથીત રીતે નોકરી માટે કેટલીક છોકરીઓને વિદેશ મોકલી અને આ છોકરીઓને ત્યાં વેશ્યાવઅતિ કરવા માટે મજબુર કરીહતી.
આ બોલીવુડ કોરીયોગ્રાફર હેમિલ્ટન મુંબઈના અંધેરી નામનાં પોશ વિસ્તારમાં એક ડાન્સ કલાસ ચલાવતી હતી. એક પીડીતાએ ક્રાઈમ બ્રાન્ચમાં ફરીયાદ દાખલ કર્યા બાદ આ કોરીયોગ્રાફર વિરૂધ્ધ અંધેરી વિસ્તારનાં સહાર પોલીસ સ્ટેશનમાં આ કેસ દાખલ કરવામાં આવ્યો છે. પોલીસે જણાવ્યુ કે કોરીયોગ્રાફર હેમિલ્ટનને કેન્યા છોકરી મોકલવા બદલ છોકરી દીઠ 40 હજાર રૂપીયામળતા હતા.
આ પીડીતાએ તેના નિવેદનમાં જણાવ્યું કે તેણે આ વર્ષના જુલાઈ મહીનામાં નોકરી માટે કોરીયોગ્રાફર હેમિલ્ટનનો સંપર્ક કર્યો હતો. ત્યારે કોરીયોગ્રાફર હેમિલ્ટને પીડીતાને જણાવ્યુ કે તેની મિત્ર રજિયા પટેલ કેન્યાના નૈરોબીમાં રહે છે. અને બે ડાન્સ કલબ ચલાવે છે. અને ત્યાં તેને નોકરી મળી શકે છે. આ પીડીતા આ વાત સાથે સહમત થઈ ગઈ અને જુલાઈમા તેને કેન્યા મોકલવામાં આવી. ક્રાઈમ બ્રાંન્ચનાં અધિકારીઓએ જણાવ્યું કે પીડીતાને દર મહીને 1.પ લાખ રૂપીયાનો પગાર આપવાનું વચન આપવામાં આવ્યુ હતુ.
પીડિતાએ પોલીસને જણાવ્યુ કે તેને ત્યાં રાત્રે 8 વાગ્યાથી સવારે 4 વાગ્યા સુધી ડાન્સ કરાવવામાં આવતો હતો. જયાં લોકો તેને પર પૈસા ઉડાવતા હતા.
આ ઘટના પ્રકાશમાં ત્યારે આવી કે જયારે કેન્યા પોલીસે કલબ પર છાપો માર્યો અને છોકરીઓને ત્યાંથી છોડાવી હતી.