રાખી સાવંત મરી જશે તો પણ લોકો સમજશે કે રાખી પબ્લિસિટી સ્ટંટ કરે છે

  • રાખી સાવંત મરી જશે તો પણ લોકો સમજશે કે રાખી પબ્લિસિટી સ્ટંટ કરે છે
    રાખી સાવંત મરી જશે તો પણ લોકો સમજશે કે રાખી પબ્લિસિટી સ્ટંટ કરે છે

હરિયાણાના પંચકુલામાં રેસલિંગની બિગ ફાઇટ દરમિયાન વિદેશી મહિલા રેસલરના હુમલાનો શિકાર બનેલ અભિનેત્રી રાખી સાવંત તેનાથી બદલો લેવા માંગે છે. રવિવારે પંચકુલામાં ગ્રેટ ખલી રિટર્ન શોમાં ડાન્સ પરફોર્મ દરમિયાન રાખી સાવંતને એક વિદેશી મહિલા રેસલરે ઉઠાવીને નીચે પટકી નાંખી હતી, જેના પછી રાખીને હોસ્પિટલાઇઝ કરવી પડી હતી.
રાખી સાવંતે મંગળવારે ખલીને વિનંતી કરી કે, ખલી ભાઇ તમે પોતે કે પછી ફોગાટ સિસ્ટર્સ દ્વારા તેની સાથે થયેલ મારપીટનો બદલો લેવામાં આવે. અસહનીય દર્દથી પીડિત રાખી સાવંતને વીલ ચેર પર હોટલમાં લઇ જવાઇ. હોટલમાં પલંગમાં સૂતા-સૂતા તેણે મીડિયા સાથે વાતચીત કરી. રાખીએ કહ્યું કે, ફિરંગી મહિલા રેસલર પાસે તે બદલો લેવા માંગે છે. તેણે કહ્યું,‘મને પોતાને ખ્યાલ નથી કે આવું કેવી રીતે થયું? હું અહિંયા ધ ગ્રેટ ખલી શોમાં આવી છું. પંચકુલામાં મેં પણ પરફોર્મ કર્યું હતું.’
રાખી સાવંતે વધુમાં કહ્યું, તમને નથી ખબર કે આ ઘટના પાછળ કોનું કાવતરૂં છે. હું બાબા રામ રહીમના વિસ્તારમાં હતી. આવામાં આ તેમનું ષડયંત્ર છે કે પછી તનુશ્રી દત્તાનું તેની જાણકારી નથી. મને તો મારામારીનો અંદોજો પણ ન હતો. આ સવાલ પર કે રાખી સાવંત પબ્લિસિટી સ્ટંટ કરી રહી છે જનતા એવું કહી રહી છે ત્યારે રાખીએ કહ્યું કે, રાખી સાવંત મરી પણ જશે તો પબ્લિકને લાગશે કે, રાખી પબ્લિસિટી સ્ટંટ કરી રહી છે.