વલ્લભાચાર્ય મહાપ્રભુજીના 542મા પ્રાગટ્ય ઉત્સવની ભવ્ય ઉજવણી

  • વલ્લભાચાર્ય મહાપ્રભુજીના 542મા પ્રાગટ્ય ઉત્સવની ભવ્ય ઉજવણી
    વલ્લભાચાર્ય મહાપ્રભુજીના 542મા પ્રાગટ્ય ઉત્સવની ભવ્ય ઉજવણી

રાજકોટ તા.1
પુષ્ટીમાર્ગ પ્રવર્તક સ્ત્રી શુદ્રના ઉધ્ધારક શુધ્ધાદૈત પુષ્ટીમાર્ગીય વૈષ્ણવ સંપ્રદાયના સ્થાપક માત્ર 11 વર્ષની ઉંમરે જેમણે પૃથ્વી પરીક્રમા કરી 84 બેઠકોમાં પારાયણ કરી અનેક જીવોનો ઉધ્ધાર કર્યા. તેવા અખંડ ભુ મંડલાચાર્ય જગદગુરૂ શ્રીમદ વલ્લભાચાર્ય મહાપ્રભુજીનો 542 મો પ્રાગટય ઉત્સવ, ભક્તિભાવ પૂર્વક તેમજ જીવદયા તેમજ જીવસેવાના અનેક આયોજનો દ્વારા સંપન્ન થયો હતો.
ચૈત્ર વદ-11 મહાપ્રભુજીના પ્રાગટય દિવસે વૈષ્ણવ સંપ્રદાયની અનેક હવેલીઓ તેમજ વૈષ્ણવાચાર્યોના મંદિરોમાં સવારથી રાત્રી સુધી અનેક ભક્તિસભર કાર્યક્રમો થયા. સર્વોતમ સ્તોત્ર યમુનાષ્ટકના પાઠોનું ઠેર-ઠેર આયોજન થયું હતું. રાજકોટની 25 જેટલી ગૌશાળામાં સાત સ્વરૂપ હવેલી, પરાબજાર ખાતે સેંકડો ભાઇ-બહેનોએ આશરે 3000 કિલો લાડુ બનાવી જુદી-જુદી ગૌશાળામાં પહોંચાડેલ તેમજ આશરે દોઢ લાખ કિલો લીલો-સુકો ઘાસચારો ગૌશાળા પાંજરાપોળની ગૌમાતાઓને પહોચાડેલ હતો. જેના બડભાગી મનોરથી પ્રફુલાબેન તેમજ વિજયભાઇ કોટક પરીવાર હતા. ગૌમાતાને મિષ્ટ લાડુઓનું ભોજનના યશભાગી મનોરથી ધીરૂભાઇ ભાલોડીયા, ભરતભાઇ કોટક તથા ભરતભાઇ સોની સાત સ્વરૂપ લાડવા ગ્રુપ તરફથી વિતરણ થયેલ. ગૌમાતાને લાપસીનો મધુર ભોગ ગૌપ્રેમી મનોરથી સ્વ.નર્મદાબેન મોરારજી ખેરાજ ઠકરાર તરફથી આપવામાં આવેલ.
પક્ષીઓને ચણ કાબર-કાગડાઓને ફરસાણ - માછલીઓને લોટની ગોળીઓ - કીડીઓને કીડીયારૂ જેવી જીવદયાની સેવા જીવદયા પ્રેમી મનોરથી અરવિંદભાઇ પાટડીયા પરીવાર તેમજ જુદી-જુદી સરકારી હોસ્પીટલો અને જનાના હોસ્પીટલની પ્રસુતા બહેનોને શુધ્ધ ઘીનો શીરો - ફ્રુટ - દુધ - બીસ્કીટ વગેરેની સેવા અક્ષતભાઇ અને રાજેન્દ્રભાઇ ગોયલ તરફથી તથા વૃધ્ધાશ્રમો - અંધ-અપંગ અને મંદબુધ્ધિ બાળગૃહો, મધર ટેરેસા બાળગૃહ સહિતની સંસ્થાઓના આશ્રિતોને ફળ-ફ્રુટ બીસ્કીટસ-ફરાળી ચેવડો-પેંડા સહિતની સામગ્રીઓ પંકજભાઇ કોટક - મેવાબાપા વસાણી પરીવાર તરફથી અને વૃધ્ધાશ્રમો અંધ-અપંગ ગૃહો તેમજ મંદબુધ્ધિના ગૃહોમાં આઇસ્ક્રીમ કિશોરભાઇ પરીવાર - મુકુંદભાઇ સોની તેમજ રમેશભાઇ ઠકરાર તરફથી તેમજ રૈયાધાર પાસે તેમજ ગાંધીગ્રામ જેવા પછાત ગરીબ વિસ્તારના 2500 થી વધુ બાળકોને રસપુરી-ઢોકળા-કઢી પુલાવ સહિતનું સ્વાદિષ્ટ ભોજન દિલીપભાઇ સોમૈયા પરીવાર તરફથી કરાવવામાં આવેલ.
પ્રાગટયદિને સવારે 7 વાગ્યે વલ્લભકુળના આચાર્યોના સાનિધ્યમાં આશરે 40 થી 50 જેટલા વાહનોના આ સેવાકીય કાર્યો થયા હતા.
બાલકૃષ્ણલાલજી હવેલી - દરબારગઢથી વાજતેગાજતે કીર્તનકારો સાથે વરણાંગી હવેલીએ દરબારગઢ સુધી પહોંચેલ હતી ત્યાંથી શ્રી મહાપ્રભુજીના ચિત્રને સુખપાલમાં પધરાવી મેટાડોરમાં લક્ષ્મીવાડી હવેલીએ પહોંચેલ. જ્યાંથી હજારો વૈષ્ણવોએ શ્રી વલ્લભના જયઘોષ સાથે વરણાંગીનો દોર આગળ વધારે રાત્રે કથા સ્થળ જલજીત હોલ પાસે પહોંચી સભાના રૂપમાં પરીવર્તીત થઇ ગયેલ. ત્યારબાદ ધર્મસભામાં પૂ.પા.ગો. રમણેશકુમારજી મહોદય (રોયલ પાર્ક) પૂ.પા.ગો. પુરૂષોતમલાલજી મહારાજ (રસકુંજ હવેલી) પૂ.પા.ગો. અનિરૂધ્ધલાલજી મહોદય (લક્ષ્મીવાડી) હવેલી તેમજ પૂ.પા.ગો. વ્રજેશકુમારજી મહારાજે વચનામૃતનું પાન કરાવેલ.
વલ્લભાખ્યાન કથા સ્થળ - 80 ફુટ રોડ, વાણીયાવાડી પાસે ચાલતા પંચદિવસીય વલ્લભાખ્યાન કથાના ચોથા દિવસે મહાપ્રભુજીના પ્રાગટય દિવસ કથાના વકતા પૂ.પા.ગો.અ.સૌ. દિપશીખા વહુજીએ આપશ્રીના મધુર કંઠે વલ્લભાખ્યાન કથામાં શ્રોતાઓને રસતરબોળ કર્યા હતા. અનેક વખત તાલીઓના ગળગળાટથી વૈષ્ણવોએ દાદ આપી હતી.
શ્રી મહાપ્રભુજીના 542 માં પ્રાગટય દિવસની વરણાંગી શોભાયાત્રામાં રાજકોટની જાણીતી શિક્ષણ સંસ્થા - ધોળકીયા સ્કુલના ત્રણ ફલોટો આકર્ષણરૂપ હતા. શોભાયાત્રામાં કુલ છ ફલોટો ત્રણ બગી - ઘોડેશ્ર્વાર - સ્કુટરચાલકો - સાફાધારીઓ - કીર્તનમંડળીઓ તેમજ લાલ-પીળી કેસરી સાડીમાં બહેનો તેમજ વૈષ્ણવ પરીવેશમાં પુરૂષો જોડાયા હતા. વરણાંગીને સફળ બનાવવા માટે વિનુભાઇ ડેલાવાળા, અરવિંદભાઇ પાટડીયા, દિલીપભાઇ સોમૈયા, જયંતિભાઇ નગદીયા, જેરામભાઇ વાડોલીયા, રમેશભાઇ ઠક્કર, ચંદુમામા, મિતલ ખેતાણી, ગોવિંદભાઇ દાવડા, હિતેશભાઇ રાજપરા, જીતેશભાઇ રાણપરા, સુખલાલભાઇ માંડલીયા, હર્ષદભાઇ ફીચડીયા, નવીનભાઇ ચંદે, પ્રવિણભાઇ પાટડીયા વગેરેએ ભારે જહેમત ઉઠાવી હતી.