CBI વિવાદ: અસ્થાનાને ‘સુપ્રીમ’ ઝટકો

  • CBI વિવાદ: અસ્થાનાને ‘સુપ્રીમ’ ઝટકો
    CBI વિવાદ: અસ્થાનાને ‘સુપ્રીમ’ ઝટકો

નવી દિલ્હી તા,16
દેશની સૌથી મોટી તપાસ એજન્સીમાં ચાલી રહેલા આંતરિક ઝઘડાની આજે એટલે કે શુક્રવારે સુપ્રીમ કોર્ટમાં સુનાવણી શરૂ થઈ હતી. ગત સુનાવણીમાં કેન્દ્રિય સતર્કતા આયોગે કોર્ટમાં 2 સીલબંધ કવરમાં પોતાનો રિપોર્ટ સોંપ્યો
હતો, ત્યારબાદ સુપ્રીમ કોર્ટે સુનાવણી આગામી તારીખ માટે ટાળી દીધી હતી.
શુક્રવારે આ મામલામાં આગળની સુનાવણી શરૂ થઇ ત્યારે કેન્દ્રિય સતર્કતા આયોગ (સીવીસી) બાદ જસ્ટિસ પટનાયકે પણ પોતાનો રિપોર્ટ સોંપ્યો હતો. મુખ્ય જજે કહ્યું કે, સીવીસીએ દસ્તાવેજ સાથે પૂર્ણ રિપોર્ટ સોંપ્યો છે. જો કે, રિપોર્ટનો મામલો ખુબ ગૂંચવણ ભરેલો છે, તેમાં અમુક બીજા આરોપોની તપાસની જરૂરત લાગી રહી છે.
મુખ્ય જજે કહ્યું કે, જો કેન્દ્ર સરકારને કોઇ મુશ્કેલી ન હોય તો અમે આલોક વર્માના વકીલનો રિપોર્ટની સીલબંધ કોપી આપીશું. તમારે પણ સીલબંધ કવરમાં જવાબ આપવો પડશે. જો કે, કોર્ટે આસ્થાનાના રિપોર્ટની કોપી નહીં આપવાનો આદેશ કર્યો છે. કોર્ટ હવે 20 નવેમ્બર સુધી આગામી સુનાવણી ટાળી દીધી છે. અગાઉ કોર્ટના આદેશ બાદ કેન્દ્રિય સતર્કતા આયોગે (સીવીસી) 12 નવેમ્બરે આ મામલામાં સુપ્રીમ કોર્ટને પોતાની તપાસનો રિપોર્ટ સોંપ્યો હતો. સીવીસીએ કુલ 2 રિપોર્ટ સુપ્રીમ કોર્ટને સોંપ્યા હતા. આ સિવાય સીબીઆઈના ડીએસપી એકે બસ્સીની અરજી ઉપર પણ આજે સુનાવણી થઇ શકે છે. બસ્સીએ રાકેશ અસ્થાના વિરુદ્ધ આરોપોની તપાસ કરી હતી, ત્યારબાદ સીબીઆઈ નિદેશક નાગેશ્વર રાવે પોર્ટ બ્લેયર ટ્રાન્સફર કરી દીધો હતો. તેમણે તેમના ટ્રાન્સફર વિરુદ્ધ અરજી કરી છે.