સુરતમાં સ્વિમિંગ પુલમાં ત્રણ ફૂટ પાણીમાં ડૂબી જવાથી વૃદ્ધ વકીલનું મૃત્યું થયું

  • સુરતમાં સ્વિમિંગ પુલમાં ત્રણ ફૂટ પાણીમાં ડૂબી જવાથી વૃદ્ધ વકીલનું મૃત્યું થયું
    સુરતમાં સ્વિમિંગ પુલમાં ત્રણ ફૂટ પાણીમાં ડૂબી જવાથી વૃદ્ધ વકીલનું મૃત્યું થયું

સુરતઃ અડાજણ વિસ્તારમાં આવેલા પાલિકા સંચાલિત સ્વિમિંગ પુલમાં વૃદ્ધ ક્રિમીનલ વકીલનું ડૂબી જવાથી મોત નીપજ્યું હતું. ત્રણ ફૂટ પાણીમાં સ્વિમિંગ ટ્રેનરોની સામે ડૂબી જવાથી અનેક પ્રશ્નો ઉભા થયા છે. હાલ પોલીસ પોસ્ટમોર્ટમ કરાવી વધુ તપાસ કરી રહી છે. અડાજણ વિસ્તારમાં આવેલી સંગમ સોસાયટીમાં મનસુખભાઈ કાંતીલીલ ભાટપોરવાલા(ઉ.વ.70) પરિવાર સાથે રહેતા અને ક્રિમીનલ વકીલ હતા. આજે અડાજણમાં જ આવેલા પાલિકા સંચાલિત જોગાણી નગર વિરસાવરકર સ્વિમિંગ પુલમાં સવા છથી સાત વાગ્યાના બેચમાં સ્વિમિંગ કરવા ગયા હતા. દરમિયાન ત્રણ ફૂટ જેટલા પાણીમાં તે ડૂબી ગયા હતા. સાત વાગ્યે બેચ પુર્ણ થયા બાદ મનસુખભાઈ ડૂબી ગયા હોવાની જાણ થઈ હતી. જેથી તેને 108 મારફતે ખાનગી હોસ્પિટલમાં ખસેડવામાં આવ્યા હતા. જ્યાં ફરજ પરના તબીબે તેને મૃત જાહેર કર્યા હતા. ઘટનાની જાણ થતા પોલીસ પણ દોડી આવી હતી. અને સ્વિમિંગ પુલમાં મોતને પગલે મોતનું સાચું કારણ જાણવા પોસ્ટમોર્ટમની કામગીરી હાથ ધરી છે.