પોરબંદર પંથકમાં છ વર્ષ પહેલા થયેલ ચોરીનો આરોપી ઝબ્બે

  • પોરબંદર પંથકમાં છ વર્ષ પહેલા થયેલ ચોરીનો આરોપી ઝબ્બે
    પોરબંદર પંથકમાં છ વર્ષ પહેલા થયેલ ચોરીનો આરોપી ઝબ્બે

પોરબંદર,તા.25
બગવદર પોલીસ સ્ટેશનની હદમાં છ વર્ષ પહેલા થયેલી ચોરીના આરોપીને પેરોલ ફર્લો સ્કવોડે બાતમીના આધારે હળવદ પંથકમાંથી દબોચી લીધો છે.
રાજયભરમાં નાસતા ફરતા આરોપીઓને પકડવા માટેની પોલીસની ખાસ ઝુંબેશ ચાલુ છે ત્યારે બગવદર પોલીસ સ્ટેશનમાં છ વર્ષ પહેલા મધ્યપ્રદેશના અલીરાજપુરના દીતલીયા રીસડીયા ચમારીયા નામના યુવાન સામે ચોરીનો ગુન્હો નોંધાયો હતો અને ત્યારથી પોરબંદર પોલીસમાં આ શખ્સ વોન્ટેડ હતો તે હળવદ તાલુકાના જુનાઅમરાપુર ગામે વાસુભાઇ પોપટ દલવાડીની વાડીએ મજુરીકામ કરવા આવ્યો હોવાની માહીતીના આધારે પેરોલ ફર્લો સ્કવોડના પી.એસ.આઇ. બી.વી. પંડયા અને એ.એસ.આઇ. અરવિંદભાઇ સવનીયા સહિત સ્ટાફે દરોડો પાડીને દીતલીયાને પકડી પાડયો હતો અને બગવદર પોલીસ સ્ટેશનને સોંપી દીધો છે.
30 બાચકા દારૂ ઝડપાયો
પોરબંદર નજીકના બરડા ડુંગરમાંથી 30 બાચકા દારૂ ઝડપાયો છે.
પોરબંદરના બરડા ડુંગરમાં આવેલા ગંડીયાવાળા નેસમાં રહેતા કાના નાથા રબારીએ તેના ઘરની પાછળ વાડામાં દેશીદારૂના બાચકા છુપાવ્યા હોવાની માહિતીના આધારે પોલીસે દરોડો પાડયો હતો જેમાં દારૂની 1ર0 કોથળીના 30 બાચકા કે જેની કીંમત 1ર000 રૂપિયા થવા જાય છે આ મુદ્દામાલ મળી આવતા તેને કબ્જે કરીને કાના સામે ગુન્હો નોંધી શોધખોળ હાથ ધરી છે.