આગામી 24 કલાકમાં આ વિસ્તારોમાં આવી શકે છે ભયંકર ચક્રવાત, ભારે વરસાદની આગાહી

  • આગામી 24 કલાકમાં આ વિસ્તારોમાં આવી શકે છે ભયંકર ચક્રવાત, ભારે વરસાદની આગાહી
    આગામી 24 કલાકમાં આ વિસ્તારોમાં આવી શકે છે ભયંકર ચક્રવાત, ભારે વરસાદની આગાહી

ચક્રવાત ‘ફેની’ આગામી 12 અથવા 24 કલાક દરમિયાન ભારે વિનાશ સર્જી શકે છે. ભારતીય હવામાન વિભાગે વાવાઝોડાંના કારણે આગામી થોડા દિવસો દરમિયાન તમિલનાડુ, કેરળ અને આંધ્રપ્રદેશમાં ભારે વરસાદની આગાહી કરી છે.

 
ઉપરાંત મીડિયા રિપોર્ટ મુજબ વિભાગે કહ્યું કે હાલ ફેની ત્રિંકોમલી(શ્રીલંકા)ના 745 કિલોમીટર પૂર્વ-દક્ષિણ પૂર્વ, ચેન્નઈના 1050 કિમી દક્ષિણ પૂર્વ અને મછલીપટ્ટનમ(આંધ્રપ્રદેશ)ના 1230 કિમી દક્ષિણ-દક્ષિણ પૂર્વમાં છે. વિભાગે આગામી 12 કલાકમાં ભયંકર ચક્રવાતી વાવાઝોડું અથવા 24 કલાકમાં ખૂબજ ભયંકર ચક્રવાતી વાવાઝોડાંમાં ફેનીના પરિવર્તિત થવાની આગાહી કરી છે. કેરળમાં 29મી અને 30મી એપ્રિલે ભારે વરસાદ થઈ શકે છે. હવામાન વિભાગે તમિલનાડુના તટીય વિસ્તારમાં 30 એપ્રિલ અને 1લી મેના રોજ રેડ એલર્ટ જાહેર કર્યું છે.
 
 
 
 
 
 
  આ પહેલા ચેન્નઈ સહિત ઉત્તરી તમિલનાડુમાં ભારે વરસાદની આગાહી કરી છે. મીડિયા રિપોર્ટ મુજબ રવિવારે તમિલનાડુ, પુડ્ડુચેરી તટીય, કોમોરિન ક્ષેત્ર અને મન્નારની ખાડી અને તેના નજીકથી 30-40 કિમી પ્રતિ કલાકની ઝડપે પવન ફુંકાવાની સંભાવનાઓ છે. આમાં કહેવામાં આવ્યું છે કે ઉત્તર તમિલનાડુ, પુડ્ડુચેરી અને દક્ષિણ આંધ્રપ્રદેશના તટીય ક્ષેત્ર પર 30મી એપ્રિલના સવારથી પવનનો વેગ 50-60 કિમી પ્રતિ કલાક અને પછી 70 કિમી પ્રતિ કલાકના વેગે પવન ફૂંકાવવાની સંભાવના છે. પુડ્ડુચેરી, તમિલનાડુ અને દક્ષિણ આંધ્રપ્રદેશમાં તટીય પર અને તેના નજીક સમુદ્રમાં સ્થિતિ ખૂબજ પ્રતિકૂળ થઈ શકે છે. હવામાન વિભાગે શ્રીલંકા, તમિળનાડુ, આંધ્રપ્રદેશ અને પુડ્ડુચેરીના માછીમારોને સમુદ્રમાં ન જવાની સલાહ આપી છે.