દિયા મિર્ઝાનો મોદી પર ‘અક્ષય’ આક્રોશ

  • દિયા મિર્ઝાનો મોદી પર ‘અક્ષય’ આક્રોશ
    દિયા મિર્ઝાનો મોદી પર ‘અક્ષય’ આક્રોશ

મુંબઇ તા.21
પીએમ નરેન્દ્ર મોદીએ મંગળવારે બોલીવુડનું પ્રતિનિધિમંડળ સાથે મુલાકાત કરી હતી. મુંબઈના રાજ ભવનમા થયેલી આ બેઠકમાં જાણીતા કલાકારો અને પ્રોડ્યુસર્સનો સમાવેશ થાય છે. આ દરમિયાન મનોરંજન જગત માટે જીએસટીના દાયરામાં એક સમાન રાખવાની માંગ રાખી હતી.ઙખ નરેન્દ્ર મોદી અને અક્ષય કુમારે બેઠકના ફોટાઓ ટવીટર પર શેર કર્યા હતા. આ ડેલીગેશન મીટમાં કોઈ મહિલા જોવા મળી ન હતી. જેના કારણે આ બેઠક ખુબજ ચર્ચામાં રહી હતી. અભિનેત્રી દીયા મિર્જાએ અક્ષય કુમાર અને પીએમ નરેન્દ્ર મોદી પર નિશાન સાધ્યુ હતુ. એકટ્રેસે આને ફક્ત પુરૂષોની બેઠક ગણાવી હતી. અક્ષયની ટવીટને રિ-ટવીટ કરી અભિનેત્રીએ કહ્યુ હતુ કે આ ખુબજ આશ્ચર્યજનક ઘટના છે. એવુ શું કારણ છે કે જેના કારણે આ બેઠકમાં મહિલાઓને હાજર રાખવામાં આવી ન હતી. ફક્ત દીયા જ નહી સોશિયલ મીડિયા પર યૂઝર્સ મહિલાઓની અનુપસ્થિતિ પર સવાલ ઉઠાવ્યો હતો. ટવીટર પર લોકોનો રોષ પ્રગટ્યો હતો.