તુવેર કૌભાંડમાં મુખ્યમંત્રીની નજર હેઠળ નિષ્પક્ષ તપાસ થશે : રાદડિયા

  • તુવેર કૌભાંડમાં મુખ્યમંત્રીની નજર હેઠળ નિષ્પક્ષ તપાસ થશે : રાદડિયા
    તુવેર કૌભાંડમાં મુખ્યમંત્રીની નજર હેઠળ નિષ્પક્ષ તપાસ થશે : રાદડિયા

જૂનાગઢ તા,25
કેશોદના માર્કેટીંગયાર્ડમાં ટેકાના ભાવે ખરીદ કરેલ તુવેર દાળનો જથ્થો હલકી ગુણવતાનો નિકળતા મંત્રી જયેશ રાદડિયાએ કૌભાંડની નિષ્પક્ષ તપાસ કરવાના આદશે આપી કૌભાંડમાં સંડોવાયેલા સાત શખ્સો વિરુધ્ધ ફરિયાદ કરતા ખળભળાટ મચી ગયો છે.
જૂનાગઢ સહિત જીલ્લામાં ટેકાના ભાવે ખરીદાયેલી મગફળીમાં કરોડો રૂપિયાનું કૌભાંડ તાજેતરમાં બહાર આવ્યા બાદ હવે કેશોદમાં લાખો રૂપિયાની તુવેર ખરીદીમાં હલકી ગુણવત્તાનો માલ ધબેડી દઈ સરકારને લાખ રૂપિયાનો ધુંબો મારવાનું મસમોટું કારસ્તાન બહાર આવવા પામ્યુ છે.
ખેડૂત પુત્રોની જાગૃતતા કારણે બહાર આવેલ આ તુવેર ખરીદી કૌભાંડમાં ગાંધીનગરના પુરવઠા વિભાગના એક સરકારી અધિકારી, કોટ્રાક્ટર કંપનીનો ગ્રેડર, કેશોદના માણેકવાળાનો કિસાન સંઘનો પ્રમુખ સહિત કુલ 7 શખ્સો સામે છેતરપીંડી અને વિશ્વાસઘાતની ફરિયાદ થવા પામી છે ત્યારે તુવેરદાળનું આ મસમોટું કૌભાંડ બહાર આવતા અનેકના પગ પેટમાં ઘુસી જવા પામ્યા છે અને જો ન્યાયિક તપાસ થશે તો આમાં ઘણાના તપેલા ચડી જવાની આશંકાઓ ખેડૂત પુત્ર સેવી રહ્યા છે
કેશોદ માર્કેટિંગ યાર્ડ માં સરકારી અધિકારીઓ અને કોન્ટ્રાક્ટરના.ગ્રેડરની સાઠગાંઠથી ટેકાના ભાવે ખરીદાતી તુવેરમાં હલકી કક્ષાની તુવેર ધાબડી દેવામાં આવી હતી જેમાથી અમુક જથ્થો નાફેડ દ્વારા રિઝલ્ટ કરવામાં આવતા આ પ્રકરણ ઘણ ધર્યુ હતું જેની જાણ કેશોદ ખેડૂતપુત્ર હિત રક્ષક સમિતિને થતા આ પ્રકરણમાં કંઈક દાળમાં કાળું છે તેની આશંકા સાથે અધિકારીઓને પૂછતાં માત્ર 3 ટ્રક રિજેક્ટ થયા હોવાનું જણાવ્યું હતું તો કોન્ટ્રાક્ટરના ગ્રેટર દ્વારા 5 ટ્રક પરત થયા હોવાનું જણાવાયું હતું પરંતુ વાસ્તવિકતા કંઈક જુદી હોવાની આશંકા સાથે કેશોદ પંથકના જાગૃત કિસાન પુત્રોએ માર્કેટિંગ યાર્ડ ખાતે મુલાકાત લેતા અહીં છાનાખૂણે મગફળીને ચારણો મારી તુવેરની સફાઇ થઇ રહી હતી ત્યારે કેશોદ હિતરક્ષક સમિતિના અગ્રણીઓએ આ કાર્યવાહી રોકાવી, રાત આખી આ તુવેર સગેવગે ન થઈ જાય તે માટે રખોપુ રાખી તંત્રને જાણ કરતા તંત્ર પણ હરકતમાં આવ્યું હતું અને તાબડતોબ કેશોદ માર્કેટિંગ યાર્ડ ખાતે પહોંચ્યું હતું.
દરમિયાન પુરવઠા વિભાગ અને લાગતી વળગતી કચેરીના અધિકારીઓ દ્વારા આ અંગે તપાસ કરતા ગાંધીનગર ખાતે રહેતા અને કેશોદ કેન્દ્રના ખરીદી ઇનચાર્જ તથા કોન્ટ્રાકટર કેલેક્ષ કંપનીના ગ્રેડરની વરવી ભૂમિકા સામે આવવા પામી હતી જેના પગલે ચોકસાઈ પૂર્વક તપાસ કરાઈ હતી અને તેમાં હલકી કક્ષાની રૂ. 29,65,665ના કિંમતના 1045 કટા તુવેર ધાબેડી દીધી હોવાનું ખુલતા આ પ્રકરણમાં પોલીસ ફરિયાદ કરવામાં આવી હતી.
આ બાબતે પોલીસ સુત્રોમાંથી જાણવા મળતી વિગતો મુજબ આ મામલે નાથાભાઈ ખીમાભાઈ મોરીએ ગુજરાત રાજ્ય નાગરિક પુરવઠા નિગમના સરકારી અધિકારી અને કેશોદની તુવેર ખરીદીના ઇન્ચાર્જ જે.બી. દેસાઈ તથા કોન્ટ્રાક્ટર કેલેક્ષ કંપનીના ગ્રેડર ફૈઝલ સબીર મોગર સહિત સાત શખ્સો સામે ફરિયાદ નોંધાવા પાણી છે જેમાં કેશોદના માણેકવાડા ગામે રહેતા કિસાન સંઘના પ્રમુખ કાના વિરડા નો પણ સમાવેશ થવા પામ્યો છે.
કેશોદ પોલીસમાં નાથાભાઇ મોરીએ નોંધાવેલી ફરિયાદ મુજબ સરકારના ગુજરાત રાજય નાગરીક પુરવઠા નિગમ હેઠળની ટેકાના ભાવે ખેડુતો પાસેથી તુવેરની ખરીદી માર્કેટીંગ યાર્ડ કેશોદ ખાતે કરવામાં આવતી હતી તેમાં જે.બી.દેસાઈ, (ખરીદી ઈન્ચાર્જ, ખરીદી કેન્દ્ર કેશોદ) ફૈજલ શબ્બીર મુગલ, (કેલેક્ષ કંપનીના ગ્રેડર) તથા ગોડાઉન પરના મજુરના મુકાદમ જયેશ લક્ષ્મણભાઈ ભારતી અને હિતેષ હરજીભાઈ મકવાણા ખેડુતોના નામે હલ્કી ગુણવતા વાળો તુવેરનો જથ્થો આપનાર ભરત પરસોતમ વઘાસીયા (રહે.દાત્રાણા તા.મેંદરડા) તેમજ કાનાભાઈ વિરડા, (કિશાન સંઘ પ્રમુખ, રહે.માણેકવાડા તા.કેશોદ) એ મળી સાતેય આરોપીઓએ ગુનાહીત કાવતરૂ રચી ખરીદી કરેલ તુવેરના 50475 કટ્ટા પૈકી 1045 કટ્ટા કિ.રૂા.2965665 નો હલ્કી ગુણવતા વાળો તુંવેરનો જથ્થો મિક્સ કરી સારા જથ્થામાં ખપાવી દઈ સરકાર સાથે ગુનાહીત વિશ્વાસઘાત તથા છેતરપીંડી કરી છે આ બાબતે કેશોદ પોલીસે નાથાભાઈ મોરીની ફરિયાદનાા આધારે 7 શખ્સો સામે છેતરપિંડી અનેેે વિશ્વાસઘાતનોં ગુન્હો નોંધી વધુ તપાસ હાથ ધરી છે.