મોદીના વિકાસનો પરપોટો ફૂટી ગયો: GDP દર ઘટ્યો

  • મોદીના વિકાસનો પરપોટો ફૂટી ગયો: GDP દર ઘટ્યો
    મોદીના વિકાસનો પરપોટો ફૂટી ગયો: GDP દર ઘટ્યો

નવીદિલ્હી, તા.30
દેશના વિકાસ દરમાં બીજા ત્રિમાસીકમાં મોટું ગાબડું પડ્યું છે. સરકારના તાજા આંકડા મુજબ હાલના નાણાકીય વર્ષના બીજા ક્વાર્ટરમાં જીડીપી પાછલા ત્રિમાસિકના સરખામણીમાં ગગડીને 7.1 ટકા થઈ ગયો છે. પહેલા ત્રિમાસિકમાં દેશનો જીડીપી 8.2 ટકા નોંધાયો હતો. જે પ્રમાણે માત્ર ત્રણ મહિનામાં જ જીડીપીમાં 1.1 ટકાનો ઘટાડો નોંધાયો છે. વિકાસ દરમાં ઘટાડાનું મુખ્ય કારણ ડોલરની સામે રૂપિયો સતત નબળો પડતાં અને ગ્રામીણ માગોમાં આવેલી કમી છે. બીજા ક્વાર્ટરમાં ભારતનો વિકાસદર ઘટીને 7.1% થયો છે.
જૂન ક્વાર્ટરમાં ભારતનો વિકાસદર 8.2% રહ્યો હતો. જ્યારે બીજા ક્વાર્ટરમાં ૠટઅ દર પણ ઘટીને 6.9% થયો છે. ગત ક્વાર્ટરમાં ગ્રોસ વેલ્યૂ એડેડ (ૠટઅ) દર 8% હતો. આ સમયગાળા દરમિયાન એગ્રીકલ્ચર ગ્રોથ 3.8%, મેન્યૂફેક્ચરિંગ દર 7.4% રહ્યો. બીજા ક્વાર્ટરમાં સર્વિસ સેક્ટરનો ગ્રોથ 7.5% રહ્યો હતો. આ ક્વાર્ટરમાં વિકાસદર જાણકારોના અનુમાનથી ઓછો રહ્યો છે. જો ગત ક્વાર્ટર સાથે આ વિકાસદરની તુલના કરીશું તો તેમા ઘટાડો જોવા મળશે. પાછલા વર્ષના બીજા ક્વાર્ટરમાં વિકાસદર 6.3% હતો જ્યારે આ ક્વાર્ટરમાં 7.1% છે.
યુપીએ સરકારને ભરાવવાનો પ્રયાસ કરતી મોદી સરકાર ખુદ ભરાઈ ગઈ છે. નીતિ પંચે યૂપીએ સરકારના જીડીપીના ડેટામાં ઘટાડો કર્યો છે. જે અંગે ભાજપ અને કોંગ્રેસ એકબીજા સામે આક્ષેપબાજી કરી રહ્યાં છે. આ દરમિયાન લોકસભાની ચૂંટણી પહેલાં નાણાંકિય વર્ષ 2018-19ની બીજા ક્વાર્ટરમાં અર્થવ્યવસ્થાના વિકાસની ગતિને બ્રેક વાગી છે.
આ સમયગાળા દરમિયાન ૠઉઙ ઘટી 7.1 ટકા થઈ ગયો છે. જે અગાઉ 8.2 ટકા હતો. જોકે એક વર્ષ પહેલા પહેલા ક્વાર્ટરનીએ દેશની જીડીપીનો આંક 6.3 ટકા હતો.
ઘરઆંગણે મૂલ્ય વર્ધન (જીવીએ) પહેલા ક્વાર્ટના 8 ટકાની સરખામણીએ 6.9 ટકા રહ્યો છે. જીવીએ ઉત્પાદક કે પૂર્વઠા પક્ષથી અર્થવ્યાવસ્થાનું ચિત્ર રજુ કરે છે. જ્યારે જીડીપી ઉપભોક્તા અને માંગનો પક્ષ દર્શાવી છે.
ભારતીય સ્ટેટ બેંકના અહેવાલમાં વિકાસ દર 7.5થી 7.6 ટકા રહેવાનું અનુમાન લગાવવામાં આવ્યું હતું. રોયટર્સ પોલમાં પણ નિષ્ણાંતોએ પહેલા ત્રિમાસીક ગાળાની સરખામણીએ જીડીપી ઘટનાવો અંદાજ લગાવવામાં આવ્યો હતો. સરકાર તરફથી જાહેર કરવામાં આવેલા અન્ય ડેટામાં જણાવવામાં આવ્યું હતું કે, આઠ કોર સેક્ટરમાં વૃદ્ધિ દર 4.8 ટકા રહ્યો જે સપ્ટેમ્બમાં 4.3 હતો.