લોકસભા ચૂંટણી 2019: વડોદરામાં બાળકોના સહારે મતદાન જાગૃતિનો પ્રયાસ

  • લોકસભા ચૂંટણી 2019: વડોદરામાં બાળકોના સહારે મતદાન જાગૃતિનો પ્રયાસ
    લોકસભા ચૂંટણી 2019: વડોદરામાં બાળકોના સહારે મતદાન જાગૃતિનો પ્રયાસ

વડોદરા શહેરની મોટા ભાગની શાળાઓમાં વાર્ષિક પરીક્ષાઓ પુરી થવાની સાથે જ શાળાઓમાં હાલ તો વેકેશન છે. તેમ છતાં આ પ્રકારના માહોલ વચ્ચે શહેર જિલ્લામાં મોટા પ્રમાણમાં મતદાન થાય એ માટે જિલ્લા ચૂંટણી તંત્રે કમર કસી છે. વધુ પ્રમાણમાં મતદાન થાય તે માટે આજે શાળાઓમાં એક નવતર પ્રયોગ કરાયો હતો. હવે, શાળામાં અભ્યાસ કરતા વિદ્યાર્થીઓ પોતાના માતા-પિતા પરિવારજનો અને પરિચિતોને આગામી લોકસભાની ચૂંટણીમાં મતદાન કરવાની અપીલ કરશે.

મતદાન એ લોકશાહીમાં નું સૌથી મોટું શસ્ત્ર છે એ પ્રકારની સમજણ સાથે શહેરની મોટા ભાગની શાળાઓમાં આજે વિદ્યાર્થીઓએ મતદાન કરાવવાના શપથ લીધા હતા. જિલ્લા ચૂંટણી તંત્ર દ્વારા નુકકડ નાટીકા, બસ શ્રેણી, બાઇક રેલી જેવા અનેકવિધ આયામો યોજીને બહોળી સંખ્યામાં મતદાન થાય તેવા પ્રયાસો હાથ ધરવામાં આવ્યા છે.