સ્થાનિક સોર્સ તળિયાઝાટક થતાં 10 ગામ, 24 પરા ટેન્કર ભરોસે

  • સ્થાનિક સોર્સ તળિયાઝાટક થતાં 10 ગામ, 24 પરા ટેન્કર ભરોસે
    સ્થાનિક સોર્સ તળિયાઝાટક થતાં 10 ગામ, 24 પરા ટેન્કર ભરોસે

જામનગર જિલ્લામાં ગત વર્ષે ચોમાસામાં અપૂરતો વરસાદ થવાથી ઉનાળા પહેલાં જ જિલ્લાના મોટાભાગના જળાશયો તળિયા ઝાટક થતાં પાણીની ઉનાળાના પ્રારંભે છેવાડા અને અંતરિયાળ વિસ્તારોમાં પાણીની મોકાણ પ્રર્વતી રહી છે.જિલ્લાનો મહદઅંશે આધાર નર્મદાના નીર બન્યા છે.પાણીની સ્થિતિ દિન-પ્રતિદિન કપરી બની છે.આ સ્થિતિમાં સ્થાનિક જળાશયો તળિયા ઝાટક થતાં જિલ્લાના 10 ગામ અને 24 પરા ટેન્કર ભરોસે થયાં છે. પાણી પુરવઠા બોર્ડ દ્વારા દરરોજ 36 ટેન્કરના 80 ફેરા કરી ગામના સમ્પ,ટાંકા સહીત અલગ-અલગ સ્થળે જરૂરિયાત મુજબ પાણી ઠાલવામાં આવી રહ્યું છે.ઉનાળાના પ્રારંભે આ સ્થિતિ છે તો આખો ઉનાળો કેમ નીકળશે તેવી ચિંતા ગ્રામ્ય વિસ્તારમાં રહેતા લોકોને સતાવી રહી છે.