પોરબંદરના દરિયાના પેટાળમાં અબજોનું સોનું!

  • પોરબંદરના દરિયાના પેટાળમાં અબજોનું સોનું!
  • પોરબંદરના દરિયાના પેટાળમાં અબજોનું સોનું!
  • પોરબંદરના દરિયાના પેટાળમાં અબજોનું સોનું!

રાજકોટ તા.11
વર્ષો પૂર્વે પોરબંદરના સાગરકાંઠાને અત્યંત સમૃધ્ધ માનવામાં આવતો હતો. અહીંની માછલીઓની દેશ ઉપરાંત વિદેશોમાં પણ જબરી માંગ રહેતી હતી. આ ઉપરાંત પોરબંદરથી ગોસાબારા સુધીનો દરિયાકાંઠો ‘લેન્ડીંગ પોઇન્ટ’ તરીકે પણ કુખ્યાત હતો. 1992 થી 1995 સુધી દાણચોરી માટે આ સાગરકાંઠો પંકાયેલો હતો અને એ દરમ્યાન જ વિદેશથી અબજો રૂપિયાના સોના સાથે આવી રહેલું એક જહાજ દરીયામાં ગરક થઇ ગયું હતું.
અત્યંત વિશ્ર્વસનીય સૂત્રોમાંથી પ્રાપ્ત વિગતો મુજબ આફ્રીકા તરફથી વિદેશી સોનાના જથ્થા સાથે આવી રહેલા જહાજ અંગે મહત્વની એજન્સીને જાણ થતા આ એજન્સી દ્વારા સોનુ ભરેલા જહાજનો પીછો કરવામાં આવ્યો હતો અને આ ચેઇઝ દરમ્યાન અબજો રૂપિયાના સોના સાથે પોરબંદરના સાગરકાંઠે આવી રહેલા કેટલાક શખ્સોએ પકડાઇ જવાની બીકે સોનાનો અમુક જથ્થો ‘બ્લેક જેકેટ’માં દરીયામાં ફેંકી દીધો હતો.
પરંતુ એજન્સીની શીપ સામે ઝીક ઝીલી ન શકનાર દેશી વહાણ પોરબંદર નજીકના દરીયામાં ગરક થઇ ગયું હતું અને આ પ્રકરણ અહીં જ દબાઇ ગયું હતું પરંતુ જે તે વખતે સરકારની દરીયાઇ એજન્સીમાં ફરજ બજાવતા એક અધિકારી આ સમગ્ર બાબતથી માહિતગાર હોય તેમણે નિવૃતિ બાદ પોરબંદરના સાગરકાંઠા નજીક ગરક થઇ ગયેલા જહાજમાં અબજો રૂપિયાના સોનાની સ્વખર્ચે શોધખોળ શરૂ કરી હતી.
પરંતુ સ્થાનિક એજન્સીઓને દરીયા કાંઠે શરૂ થયેલી હિલચાલ અંગે માહિતી મળતા તેઓ દ્વારા તપાસનો ધમધમાટ શરૂ કરવામાં આવ્યો હતો. જે તે વખતે સરકારની દરીયાઇ એજન્સીમાં ફરજ બજાવતા અધિકારીએ સમગ્ર ઘટના સંબંધિત અધિકારીઓને જણાવી હતી અને સરકારને પણ આ અંગે જાણ કરી હતી.
સુત્રોમાંથી પ્રાપ્ત વધુ વિગતો મુજબ દરીયાઇ એજન્સીમાં જે તે વખતે મહત્વની જગ્યા ઉપર ફરજ બજાવતા અધિકારીએ સરકાર પાસે સંશોધન માટેની મંજુરી પણ માંગી હોવાનું કહેવાય છે.પરંતુ સરકાર દ્વારા આ તરફે દુર્લક્ષ સેવાતા શોધખોળની કામગીરીને અટકાવી દેવાઇ હતી.
સરકારી એજન્સી સાથે સંકળાયેલા સૂત્રોમાંથી પ્રાપ્ત વિગતો મુજબ 1992 સુધી મોટાભાગે દરીયાઇ માર્ગે જ સોનાની દાણચોરી થતી હતી. વિદેશથી આવતા લોકો પોતાની સાથે સોનાનો જથ્થો લાવી શકતા હતા. જેનો દાણચોરોએ ભરપુર લાભ લીધો હતો અને આ સીલસીલો ચારથી પાંચ વર્ષ સુધી ચાલ્યો હતો.
પરંતુ બાદમાં સરકાર દ્વારા સોનાની આયાત ઉપર 10 ટકાથી વધુની ડયુટી લાગુ કરી દેવામાં આવતા દરીયાઇ માર્ગે શીપમાં પેસેન્જરોના માધ્યમથી સોનુ લાવવું મોંઘુ પડવા લાગતા સોનાની દાણચોરીને રોક લાગી ગઇ હતી પરંતુ દાણચોરો દ્વારા આ અંગે અન્ય ‘રસ્તાઓ’ શોધી કાઢવામાં આવ્યા હતા. ભારતમાં ભૂતકાળમાં ગેરકાયદેસર રીતે સોનુ ઘુસાડનાર દાણચોરો દ્વારા ડયુટીથી બચવા માટે દુબઇથી ખરીદવામાં આવતું સોનુ યુરોપ અને આફ્રીકાના દેશો મારફત ભારતમાં ઘુસાડવામાં આવતું હતું. પોરબંદર અને ગોસાબારા વચ્ચે પાણીમાં ગરક થઇ ગયેલા જહાજમાં હજુ પણ અબજો રૂપિયાનું સોનુ હોવાનું બહાર આવતા અગાઉ સરકારની દરીયાઇ એજન્સીમાં ફરજ બજાવી ચુકેલા અધિકારીઓ અન્ય કેટલાક લોકો દ્વારા પણ આ સોનુ શોધવાની કવાયત અટકાવાઇ ન હોવાનું કહેવાય છે. પાણીના વહેણ સાથે સોનું ભરેલા જહાજનું ‘લોકેશન’ શોધવું મુશ્કેલ!
સાગરખેડુઓ પાસેથી જાણવા મળતી વિગતો મુજબ વર્ષો પૂર્વે પોરબંદર અને ગોસાબારા વચ્ચે ગરક થઇ ગયેલા સોનુ ભરેલા જહાજના સગડ મેળવવા મુશ્કેલ છે. કારણ કે દરીયાઇ તોફાનો અને સાગરના ‘કરંટ’ના કારણે દરીયામાં ડુબેલા જહાજનું લોકેશન શોધવું અત્યંત મુશ્કેલ છે. આમ છતા કેટલાક ‘મરજીવા’ઓ હજુ પણ હિંમત હાર્યા ન હોવાનું કહેવાય છે. નિવૃત્ત અધિકારીએ મંજૂરી 
માગી પણ મળી નહીં!
પોરબંદરના સાગરકાંઠે દરીયામાં અબજો રૂપિયાના સોના સાથે ગરક થઇ ગયેલા જહાજ અંગે સંશોધનની માહિતી સરકાર સુધી પહોચતા નેવીના તત્કાલીન અધિકારીએ ડુબેલા જહાજના સંશોધન માટે સરકાર પાસે માહિતી પણ માંગી હતી પરંતુ સરકાર દ્વારા નિવૃત અધિકારીની ફાઇલ રાબેતા મુજબ અભેરાઇએ ચડાવી દેવાઇ હતી ! જેનો આજ સુધી કોઇ નિકાલ ન આવ્યો હોવાનું જાણવા મળ્યું છે. એજન્સીના તત્કાલીન અધિકારી પાસે ડૂબેલા ‘જહાજ’ અંગે ચોક્કસ માહિતી હતી!
1992 થી 1995 સુધીના અરસામાં સરકારની દરીયાઇ એજન્સીમાં ફરજ બજાવતા ચોક્કસ અધિકારીને સોનાની દાણચોરી અને પોરબંદર નજીકના દરીયાકાંઠે પાણીમાં ગરક થઇ ગયેલા જહાજ અંગે ચોક્કસ માહિતી હોય તેઓએ નિવૃતિ બાદ પોરબંદરના સાગરકાંઠે ખાનગી રાહે સંશોધન શરૂ કર્યુ હતું. ખાનગી રાહે દરિયો ખેડવામાં નેવીના નિવૃત્ત કર્મચારીની મરણમૂડી ડૂબી ગઇ!
સરકારની દરીયાઇ એજન્સીમાંથી નિવૃત થયા બાદ પોરબંદર અને ગોસાબારા વચ્ચે પાણીમાં ગરક થઇ ગયેલા અબજો રૂપિયાનું સોનુ ભરેલા જહાજના સગડ મેળવવા માટે નિવૃત અધિકારીએ મરજીવા રોકી દરીયો ખેડવામાં પોતાની મરણમુડી પણ વાપરી નાખી હતી પરંતુ પરીણામ શુન્ય જ મળ્યું હતું.