કાળજાળ ગરમીમાં ફરજ બજાવતા પોલીસ જવાનોને છાશનું વિતરણ

  • કાળજાળ ગરમીમાં ફરજ બજાવતા પોલીસ જવાનોને છાશનું વિતરણ

રાજકોટ તા,11
રાજકોટ શહેરમાં તાપમાનનો પારો દિવસે ને દિવસે ઉપર ચડતો જાય છે ત્યારે ઉનાળાના આવા ધમધમતા તાપમાં સતત ખડેપગે રહી શહેરની ટ્રાફિક વ્યવસ્થા સંભાવી રહેલા પોલીસ જવાનો અને તેમના મદદનીશ વોર્ડન ભાઈ -બહેનોને સલામ કરવાનું મન થઈ જાય. રાજકોટ પ્રતિષ્ઠાન સંસ્થાદ્વારા શહેરના દરેક ટ્રાફિક પોઈન્ટ ઉપર ફરજ બજાવતા જવાનોને બુધવારે બપોરે દરેક પોઈન્ટ ઉપર જઈ ઠંડી છાસનું વિતરણ કરવામાં આવ્યું હતું. તેમજ કાર્યાકરોએ ગુલાબનું ફુલ આપી સન્માનીત કર્યા હતા.
રાજકોટ શહેરના 150 ફુટ રીંગ રોડ ઉપર માધાપર ચોકડીથી ગોંડલ રોડ ચોકડી, કાલાવડ રોડ, યુનિ. રોડ, રૈયા રોડથી ગ્રીનલેન્ડ ચોકડી, ગોંડલ રોડ, ઢેબર રોડ, મક્કમ ચોકથી આજીડેમ ચોકડી વચ્ચે આવતા તમામ ટ્રાફિક પોઈન્ટ ઉપર કાર્યકરો દ્વારા છાશ સેવા પુરી પાડવામાં આવી હતી.
આગામી દિવસોમાં જનતાને સાથે જોડી ટ્રાફિક જાગૃતિના વિવિધ કાર્યક્રમો આપવામાં આવશે. તેમ સામાજીક અગ્રણી રાજુભાઈ જુંજાએ જણાવ્યું હતું.