અમેઠીમાં ભાજપના નેતા સ્મૃતિ ઈરાનીનો રોડ શો, CM યોગી સહિત અનેક નેતાઓ હાજર

  • અમેઠીમાં ભાજપના નેતા સ્મૃતિ ઈરાનીનો રોડ શો, CM યોગી સહિત અનેક નેતાઓ હાજર

અમેઠી: લોકસભા ચૂંટણી 2019 માટે યુપીની અમેઠી લોકસભા બેઠક માટેના ભાજપના ઉમેદવાર અને કેન્દ્રીય મંત્રી સ્મૃતિ ઝૂબીન ઈરાની આજે નોમિનેશન ફાઈલ કરી રહ્યાં છે. ઉમેદવારી નોંધાવતા અગાઉ તેઓ રોડ શો કરીને શક્તિ પ્રદર્શન કરી રહ્યાં છે. 3 કિલોમીટર સુધીના આ રોડ શોમાં તેમની સાથે યુપીના સીએમ યોગી આદિત્યનાથ અને પાર્ટીના અનેક મોટા નેતાઓ સામેલ છે. આ અગાઉ સ્મૃતિ ઈરાનીએ રાયબરેલીના ભાજપના કાર્યાલયમાં પતિ ઝૂબીન ઈરાની સાથે પૂજા કરી. અત્રે જણાવવાનું કે વર્ષ 2017ની યુપી વિધાનસભા ચૂંટણીમાં ભાજપે અમેઠી લોકસભા વિસ્તાર હેઠળ આવતી 5 બેઠકોમાંથી 4 કબ્જે કરી હતી. જેમાં કોંગ્રેસને એક પણ બેઠક મળી નહતી.