'દબંગ 3' ને લઈને સલમાન ખાન ફરી મુશ્કેલીમાં મુકાયો, ગેરકાયદેસર બનાવેલા સેટને હટાવવા માટે લીગલ નોટિસ ફટકારાઇ

  • 'દબંગ 3' ને લઈને સલમાન ખાન ફરી મુશ્કેલીમાં મુકાયો, ગેરકાયદેસર બનાવેલા સેટને હટાવવા માટે લીગલ નોટિસ ફટકારાઇ

'દબંગ 3' ફિલ્મના શૂટિંગ માટે સલમાન ખાન હાલ મધ્ય પ્રદેશમાં છે. શૂટિંગને લઈને સલમાન ખાન કોઈને કોઈ વિવાદમાં ફસાઈ રહ્યો છે. શિવલિંગનો વિવાદ હજુ શાંત થયો જ હતો ત્યાં જૂની મૂર્તિઓને નુક્સાન પહોંચાડીને સલમાન ફરી મુશ્કેલીમાં મુકાયો. ત્યારબાદ હવે નિયમોનું ઉલ્લંઘન કરીને ઐતિહાસિક પેલેસની અંદર ફિલ્મનો સેટ બનાવવા માટે ફિલ્મની ટીમને લીગલ નોટિસ ફટકારાઇ છે. આર્કિઓલોજિકલ સર્વે ઓફ ઇન્ડિયા (ASI) દ્વારા ટીમને રવિવારે અપાયેલી નોટિસ મુજબ, ટીમને મધ્ય પ્રદેશના જળ મહેલની અંદર બાંધવામાં આવેલા સેટના અમુક ભાગને હટાવી દેવા માટે ઓર્ડર અપાયો છે. ઉપરાંત નોટિસમાં એવું પણ જણાવાયું છે કે, જો ફિલ્મમેકર્સ આ નોટિસ પર પૂરતું ધ્યાન આપીને યોગ્ય પગલાં નહીં લે તો શૂટિંગ કેન્સલ કરી દેવામાં આવશે.