હળવદના ચરાડવા ગામે ભાગવત કથામા હાજરી આપતા મુખ્યમંત્રી

  • હળવદના ચરાડવા ગામે ભાગવત કથામા હાજરી આપતા મુખ્યમંત્રી
    હળવદના ચરાડવા ગામે ભાગવત કથામા હાજરી આપતા મુખ્યમંત્રી

હળવદ તા.10
આજે રાજ્યના મુખ્યમંત્રી વિજયભાઈ રૂપાણી હળવદ તાલુકાની મુલાકાતે આવ્યા હતા, તેઓ હળવદના ચરાડવા ગામે મહાકાળી આશ્રમે યોજાયેલ દેવી ભાગવત કથામાં મહેમાન બન્યા હતા. સીએમએ મહાકાળી આશ્રમના પૂજ્ય મહંત દયાનંદગિરી બાપુના આશીર્વાદ મેળવ્યા હતા અને કથામાં બાપુનું મુખ્યમંત્રીએ વિશેષ સન્માન કર્યું હતું.
હળવદ તાલુકાના ચરાડવા ગામે આવેલ સુપ્રસિદ્ધ મહાકાળી આશ્રમ ખાતે યોજાયેલ દેવી ભાગવત સપ્તાહ પ્રસંગે હાજર રહેલા મુખ્યમંત્રી વિજયભાઈ રૂપાણીએ હાજરી આપી હતી. અને આશ્રમના 125 વર્ષથી મોટી ઉંમરના મહંત દયાનંદગિરી બાપુના આશીર્વાદ મેળવી સમગ્ર આશ્રમની અને ધાર્મિક પ્રદશનની મુલાકાત લીધી હતી. મુખ્યમંત્રી રૂપાણીની સાથે તેમના ધર્મપત્ની પણ ઉપસ્થિત રહ્યા હતા. કથામાં ઉપસ્થિત રહેલા મુખ્યમંત્રી રૂપાણીનું સ્વાગત મહાકાળી આશ્રમના લઘુ મહંત અમરગીરી બાપુ દ્વારા કરવામાં આવ્યું હતું. કથા શ્રવણ બાદ મુખ્યમંત્રીએ મહાકાળી આશ્રમનું મુલાકાતથી દિવ્યતા અનુભવી હોવાનું જણાવી આ ક્થામાં હાજર રહેવા માટે નિમિત્ત બનેલા અકિલાના મોભી કિરીટભાઈ ગણાત્રાનો વિશેષ આભાર વ્યક્ત કર્યો હતો. મુખ્યમંત્રીએ પોતાના પ્રવચનમાં જણાવ્યું હતું કે સતા ભોગવવા માટે નથી હોતી લોકોના કામ કરવા માટે હોય છે, ગુજરાત સરકાર સતા સ્થાને બેસી સદાય લોકોના હિતમાં કામ કરી રહી છે. આ તકે મુખ્યમંત્રી વિજયભાઈ રૂપાણીએ ચરડવામાં આરોગ્યકેન્દ્ર શરૂ કરવા સરકાર પ્રયત્નશીલ હોવાનું પણ જાહેર કર્યું હતું, મુખ્યમંત્રીના કાર્યક્રમમાં અકિલાના મોભી કિરીટભાઈ ગણાત્રા, સાંસદ મોહનભાઇ કુંડારીયા, 20 મુદા અમલીકરણ સમિતિના આઈ.કે.જાડેજા ,રાજુભાઈ ધ્રુવ ,રજનીભાઈ સંઘાણી સહિતના મહાનુભાવો હાજર રહ્યા હતા.