આવનારા વર્ષમાં સૌ એક બનીને નેક બનીને આગળ વધીએ: સી.એમ.

  • આવનારા વર્ષમાં સૌ એક બનીને નેક બનીને આગળ વધીએ: સી.એમ.
    આવનારા વર્ષમાં સૌ એક બનીને નેક બનીને આગળ વધીએ: સી.એમ.

રાજકોટ તા. 7
ગુજરાતના મુખ્યમંત્રી વિજયભાઇ રૂપાણીએ સૌ નાગરિક ભાઇ બહેનોને દિપાવલી અને વિક્રમ સંવત 2075ના નૂતન વર્ષની શુભેચ્છાઓ પાઠવી છે. વિજયભાઇ રૂપાણીએ જાતિ-જ્ઞાતિ, ધર્મ-સંપ્રદાય, ભાષા-પ્રાંત એ બધાથી ઉપર ઉઠીને આપણે સૌ એક બનીને, નેક બનીને સૌના સાથ સૌના વિકાસના મંત્રને સાથે મળીને પાર પાડવા આહવાન કર્યું છે. મુખ્યમંત્રીએ જણાવ્યું હતું કે, આપણું ગુજરાત એની એક આગવી ઓળખ બની છે. ગાંધીનું ગુજરાત, સરદારનું ગુજરાત અને હવે તો લોકોએ આપણા વડાપ્રધાન નરેન્દ્રભાઇ મોદીના ગુજરાત તરીકે એની ઓળખ બનાવી છે ત્યારે આપણે સૌ આનંદ અનુભવીએ છીએ.
ગુજરાતનો વિકાસ એની ચર્ચા સમગ્ર દુનિયાભરમાં થઇ રહી છે. ભારતનું રોલ મોડલ બન્યું છે ગુજરાત આવનારા વર્ષમાં આપણે સૌ સાથે મળીને સૌનો સાથ સૌનો વિકાસ એ મંત્ર સાથે જાતિ-જ્ઞાતિ, ધર્મ-સંપ્રદાય, ભાષા-પ્રાંત એ બધાથી ઉપર ઉઠીને આપણે સૌ એક બનીને, નેક બનીને આગળ વધીએ. ઇન્ફ્રાસ્ટ્રકચર, સોશ્યલ ડેવલપમેન્ટ, સોશ્યલ સેકટર, શિક્ષણ, આરોગ્ય, ખેતી, સિંચાઇ, ગ્રામીણ વિકાસ, શહેરી વિકાસ આ બધા ક્ષેત્રોમાં આપણે આગળ વધીને છેવાડાના માનવીનું કલ્યાણ થાય, પારદર્શક વહીવટ બને, ઇમાનદારીનું શાસન બને, નિર્ણાયકતાથી પ્રજાભિમુખ નિર્ણયો લઇને લોકોને ઉપયોગી બનીએ, સંવેદના સતત રાખીને લોકોના સુખમાં ભાગીદાર બનીએ.