અમેરિકાના સવાનાહમાં સ્વામિ. મંદિરે મૂર્તિ પ્રતિષ્ઠા

  • અમેરિકાના સવાનાહમાં સ્વામિ. મંદિરે મૂર્તિ પ્રતિષ્ઠા
  • અમેરિકાના સવાનાહમાં સ્વામિ. મંદિરે મૂર્તિ પ્રતિષ્ઠા

25 કુંડી મહાવિષ્ણુયાગનું આયોજન: તા.17 થી 21 યોજાશે મહોત્સવ
અમદાવાદ તા.10
અમેરિકા-જ્યોર્જિયા રાજ્યના સવાનાહ ખાતે, વીસ એકરમાં પાણીનાવિશાળ સરોવર સહિત પચાસ એકરમાં પથરાયેલ શ્રી સ્વામિનારાયણ ગુુરુકુલ વિશવિદ્યા પ્રતિષ્ઠાનમ્ એસજીવીપીની નૂતન શાખા શ્રી સ્વામિનારાયણ સનાતન મંંદિર સવાનાહ ખાતે શા. માધવપ્રિયદાસજી સ્વામી તથા પુરાણી બાલકૃષ્ણદાસજી સ્વામીની ઉપસ્થિતિમાં, આગામી તા.17 થી 21 એપ્રીલ દરમ્યાન મૂર્તિપ્રતિષ્ઠા મહોત્સવનું આયોજન કરવામાં આવેલ છે. આ પુનિત પ્રસંગે શા.માધવપ્રિયદાસજી સ્વામીના વ્યાસપદે શ્રીમદ્ ભાગવત કથા તેમજ બાળમંચ, યુવા મંચ, વગેરે અનેક આયોજનો કરવામાં આવેલ છે.
મૂર્તિ પ્રતિષ્ઠા મહોત્સવ અંતર્ગત 25 કુંડી મહાવિષ્ણુયાગનું આયોજન કરવામા આવેલ છે. યજ્ઞ શુભારંભ પહેલા તેના નિર્માણ કાર્યના આરંભે ભૂમિપૂજન કરી શા.માધવપ્રિયદાસજી સ્વામીના હસ્તે ધ્વજારોહણ કરવામા આવ્યુ હતું. 
અમેરિકાની ધરતી પર પ્રથમ વાર વૈદિક વિધિ વિધાન સાથે આટલા મોટા પાયે 25 કુંડી મહાવિષ્ણુયાગનું આયોજન થઇ રહેલ છે. યજ્ઞશાળાના નિર્માણ કાર્યમાં અમેરિકાના 
સ્થાનિક હરિભકતો તથા લંડનથી ગોવિંદભાઇ રાઘવાણી, જીતુભાઇ હાલાઇ, દિપેશ ભૂડીયા, કાંતિલાલ ભૂડિયા, રાહુલ વિકરિયા, વગેરે જોડાઇ રહ્યા છે.
અમેરિકા-જ્યોર્જિયા રાજ્યના સવાનાહ સ્વામિનારાયણ સનાતન મંદિર ખાતે શા.માધવપ્ર્યિદાસજી સ્વામીની પ્રેરણાથી, ગુરુકુલના સંતો શ્રી વેદાન્તસ્વરુપદાસજી સ્વામી તથા ભકિતવેદાન્તદાસજી સ્વામી તથા કુંજવિહારીદાસજી સ્વામીના માર્ગદર્શન નીચે, દર વરસે ભારતમા ઉજવાતા તમામ પર્વો જેવાં કે, દિપાવલી, નૂતન વર્ષ, જન્માષ્ટમી, ગણેશોત્સવ, ઉત્તરાયણ, શિવરાત્રી, હનુમાન જયંતી, રામ નવમી, નવરાત્રી, સ્વામિનારાયણ જયંતી, ફુલદોલોત્સવ, હોલિકા ઉત્સવ, જલારામ જયંતી વગેરે તમામ ઉત્સવો ઉજવાય છે. અને પવિત્ર ભૂદેવો દ્વારા શિવપુરાણની અને સત્યનારાયણની કથા પણ થાય છે. 
અમેરિકા-જ્યોર્જિયા રાજ્યના સવાનાહ ખાતે શ્રી સ્વામિનારાયણ સનાતન મંદિરમાં આગામી તા.17 થી 21 એપ્રિલ દરમ્યાન મૂર્તિ પ્રતિષ્ઠા પ્રસંગે રામ-શ્યામ અને ઘનશ્યામ ભગવાન, શિવ પરિવાર (શિવ, પાર્વતી, ગણપતી, કાર્તિક સ્વામી), હનુમાનજી મહારાજ, શ્રીનાથજી ભગવાન, દ્વારિકેશલાલજી મહારાજ, જગન્નાથ ભગવાન, તિરુપતિ બાલાજી, અંબામા, જલારામબાપા વગેરે દેવોની 
પ્રતિષ્ઠા થાશે.