કાશ્મીરના મુદાસીરનો અનોખો રેકોર્ડ સળંગ 4 બોલમાં 4 વિકેટ લીધી

  • કાશ્મીરના મુદાસીરનો અનોખો રેકોર્ડ સળંગ 4 બોલમાં 4 વિકેટ લીધી
    કાશ્મીરના મુદાસીરનો અનોખો રેકોર્ડ સળંગ 4 બોલમાં 4 વિકેટ લીધી

નવી દિલ્હી, તા.3
રણજી ટ્રોફી 2018-19ની સીઝનમાં પ્રથમ હેટ્રિક જોવા મળી છે. જમ્મુ-કાશ્મીરના પેસર મોહમ્મદ મુદાસિરે બીજા દિવસે રાજસ્થાનના બેટ્સમેનને જયપુરમાં આઉટ કર્યા હતા. તેણે હેટ્રિક નહીં,પરંતુ ચાર બોલમાં સળંગ ચાર વિકેટ ઝડપી હતી. આ સાથે જ તેણે એક અનોખો વર્લ્ડ રેકોર્ડ પણ બનાવ્યો હતો. મોહમ્મદ મુદાસિરે રાજસ્થાનના ચારે-ચાર ખેલાડીને કઇઠ આઉટ કર્યા હતા. આમ, સળંગ ચાર બોલમાં ચાર ખેલાડીને કઇઠ આઉટ કરનારો મુદાસિર વિશ્વનો પ્રથમ ખેલાડી બન્યો હતો. રણજીના ઈતિહાસમાં 30 વર્ષ બાદ કોઈ બોલરે સળંગ ચાર બોલમાં ચાર વિકેટ લીધી હતી. ફર્સ્ટ ક્લાસ ક્રિકેટની આ પ્રથમ ઘટના હતી અને અત્યાર સુધી ફર્સ્ટ ક્લાસ ક્રિકેટમાં વિશ્વના કુલ 45 ખેલાડી સળંગ ચાર વિકેટ લઈ ચૂક્યા છે, પરંતુ તે અલગ-અલગ ફોર્મમાં હતી. ભારતીય ફર્સ્ટ ક્લાસ ક્રિકેટમાં મુદાસિર ત્રીજો ખેલાડી છે, જેણે ચાર બોલમાં ચાર વિકેટ લીધી હોય. આ સાથે જ ફર્સ્ટ ક્લાસ ક્રિકેટમાં હેટ્રિક લેનારો જમ્મુ-કાશ્મિરનો પ્રથમ બોલર બન્યો છે.
આ અગાઉ 2017માં વિજય હજારે ટ્રોફીમાં હેટ્રિક લઈને ક્રિકેટના કોઈ પણ ફોર્મેટમાં હેટ્રીક લેનારો જમ્મુ-કાશ્મીરનો પ્રથમ ખેલાડી બન્યો હતો.
મોહમ્મદ મુદાસિરે પ્રથમ બોલે રાજસ્થાનના છેતન બિષ્ટે, પછી તેજિંદર સિંહ, રાહલ ચાહર અને તનવીર મશર્ત-ઉલ-હકને આઉટ કર્યા હતા. રણજી ટ્રોફીના ઇતિહાસની આ બીજી ઘટના હતી, જ્યારે કોઈ ખેલાડીએ સળંગ ચાર બોલમાં ચાર વિકેટ લીધી હોય. રણજીના ઈતિહાસમાં પ્રથમ વખત શંકર સૈનીએ નવેમ્બર 1988માં દિલ્હીમાં હિમાચલ પ્રદેશ સામે 4 વિકેટ લીધી હતી.