દયા... કુછ તો ગડબડ હૈ... CID શો 27મીથી બંધ થાય છે

  • દયા... કુછ તો ગડબડ હૈ... CID શો 27મીથી બંધ થાય છે
    દયા... કુછ તો ગડબડ હૈ... CID શો 27મીથી બંધ થાય છે

ઈંડિયન ટેલિવિઝન પર સૌથી લાંબા ચાલનારા શોઝમાંથી એક છે સીઆઈડી 21 વર્ષથી આ શો દર્શકોના દિલ પર રાજ કરી રહ્યો છે. ત્યારે એવા અહેવાલો છે કે આ શોનો છેલ્લો એપિસેાડ 27 ઓક્ટોબર 2018ના રોજ પ્રસારિત થશે. વીકએન્ડ પર પ્રસારિત થતા આ ક્રાઈમ શોના 
અત્યાર સુધીમાં 1546 એપિસોડ ટેલિકાસ્ટ થયા છે.
જણાવી દઈએ કે સીઆઈડીએ ટેલિવિઝન સ્ક્રીનને કેટલાક યાદગાર પાત્રો આપ્યા છે. જેમાં એસીપી પ્રદ્યુમ્નના રોલમાં શિવાજી સાટમ, અભજિત એટલે કે આદિત્ય શ્રી વાસ્તવ, ઈન્સ્પેકટર દયાનું પાત્ર નિભાવતો એકટર દયાનંદ શેટ્ટી અને ફ્રેડરિક્સના રોલમાં દિનેશ ફડનીસનો સમાવેશ થાય છે. થોડા દિવસ પહેલા આ શોને ઓફએર કરવામાં આવ્યો હતો પરંતુ પોપ્યુલર ડિમાન્ડને જોતાં ફરીથી શરૂ કરાયો.
સીઆઈડીની શરૂઆત 1998માં સોની ટીવી પર થઈ ત્યારથી સતત આ શો ચાલી રહ્યો છે. આ શોમાં ઈન્સ્પેક્ટર દયાનું પાત્ર ભજવતા કલાકાર દયાનંદ શેટ્ટી સાથે શો બંધ થવા અંગે વાત કરવામાં આવી. દયાનંદે ખબર ક્ધફર્મ કરતાં કહ્યું કે ‘હા આ સાચું છે. અમને તાજેતરમાં જ આ વિશે જાણ કરવામાં આવી છે. આ શનિવાર એટલે કે 27 ઓક્ટોબર 2018 ના રોજ શોનો લાસ્ટ એપિસોડ પ્રસારિત થશે.’
દયાનંદ શેટ્ટીએ કહ્યું કે ‘આ શોનું 21મું વર્ષ ચાલી રહ્યું છે અને થોડા વધારે દિવસ આ શો ચાલ્યો હોત તો અમે 22માં વર્ષમાં પ્રવેશ કર્યો હોત. અચાનક અમારા પ્રોડ્યુસર બી.પી.સિંહે કહ્યું કે, ચેનલ સાથે કેટલીક સમસ્યાઓને કારણે શોનું શૂટિંગ બંધ કરવામાં આવી રહ્યું છે. આ શોમાં હું મારા કેરેક્ટરને બોવ મિસ કરીશ. આ શોના હજુ પણ ઘણા ફેન્સ છે. અમે બધા એક્ટર્સ પણ એકબીજાને ખુબ મિસ કરીશું.’
સોશિયલ મીડિયા પર પણ ફેન્સ આ શોને બંધ ન કરવા માટે ચેનલને અપીલ કરી રહ્યા છે. ટવિટ કરીને શોને ચાલુ રાખવા માટે રજૂઆત કરી રહ્યા છે.