રામ નવમીના પાવન દિને શ્રી રાધાનીલમાધવ ધામનું ઉદ્ઘાટન

  • રામ નવમીના પાવન દિને શ્રી રાધાનીલમાધવ ધામનું ઉદ્ઘાટન

30,000 ચો.ફૂટ બાંધકામ અને 51 કરોડના ખર્ચે બનેલ આ ભવ્યાતિ ભવ્ય મંદિર ગુજરાતનું આ બીજું વિશાળ મંદિર બનેલ છે રાજકોટ, તા.9
રાજકોટના કાલાવડ રોડ પર આગામી તા. 14 એપ્રિલના રોજ ઇસ્કોમ મંદિર શ્રી શ્રી રાધાનીલ માધવ ધામ (સૌરાષ્ટ્રનું ગૌરવ) નું ઉદઘાટન કરવામાં આવશે. આશરે 51 કરોડના ખર્ચે 30000 ચો.ફુટ બાંધકામથી બનેલ આ ભવ્યાતિભવ્ય મંદિરના ઉદઘાટન અને મંદિર વિશે માહિતી આપવા માટે એક પ્રેસ કોન્ફરન્સ આયોજન કરવામાં આવ્યું હતું જેમાં દેવકીનંદન મહારાજે જણાવ્યું હતું કે આ ઉદઘાટન સમારોહમાં દેશ વિદેશના ભકતો પણ ઉપસ્થિત રહેશે મુખ્યમંત્રી વિજયભાઇ રૂપાણી પુરુષોતમ આલા, વજુભાઇ વાળા ની ખાસ ઉપસ્થિતીમાં ચાર દિવસીય ભવ્ય કાર્યક્રમ યોજાશે ગુજરાતનું આ બીજા નંબરનું વિશાળ મંદિર છે જેમાં ગૌશાળા, શાળા તેમજ અન્નામૃત યોજના હેઠળ મધ્યાહન ભોજન યોજના પ્રારંભ કરવાની ભવિષ્યની યોજનાઓ છે. આ મંદિરના નિર્માણના પાયામાં પૂજય મહાવિષણુ ગોસ્વામી મહારાજનો વિચાર મુખ્ય છે. 2003માં આ મંદિરનું ભુમિપુજન કરવામાં આવ્યું હતું પરંતુ અમુક વર્ષો કામ બંધ રહ્યા બાદ આજે આ ભવ્યાતિભવ્ય મંદિર પુર્ણ થયું છે. આ મંદિરનું રાજસ્થાની કલાનો ઉતૃષ્ટ નમૂનો કહી શકાય છે. શ્રી ભગવાનના મુખ્ય ગર્ભગૃહમાં સાગના લાકડામાંથી બનેલી ત્રણ વેદીઓ (ભગવાનના સિંહાસન) છે. મંદિરની ફરતે અંદર-બહાર કુલ મળીને 72 કોતરણી કરેલી આરસ પથ્થરના ઝરુખા લાગેલા છે. 33 ફુટ ઊંચા ત્રણ ઉત્તુંગ શિખર શોભાયમાન છે. મંદિર પ્રવેશ માટે એક મુખ્ય દ્વાર અને જમણી તથા ડાબી બાજુ અલગ-અલગ દ્વાર બનાવવામાં આવ્યા છે. ત્રણેય પ્રવેશ દ્વારની છત ઉત્કૃષ્ટ નકશીકામથી શોભાયમાન તાઇ રહી છે. સંપૂર્ણ મંદિરની દરેક દિવાલ પાર આરસ પથ્થર જડિત કરવામાં આવેલ છે. મંદિરના નીચેના ખાંડ તથા પ્રસાદગૃહનું તળિયું રાજનગર અને અંબાજી (રાજસ્થાન) ના આરસ પથ્થરની શુશોભિત છે. તેમજ મુખ્ય મંદિર ખંડના તળિયા માટે મકરાણા આરસ પથ્થરનો ઉપયોગ કરવામાં આવ્યો છે. આગમન વેળાંઓ મુખ્ય પ્રવેશ દ્વાર પાસે નાના મોટા એવા ત્રણ કોતરણી કરેલા ફુવારા મંદિરબની શોભાવૃદ્ધિ કરી રહ્યા છે.