ATMમાં ‘કળા’ કરી પૈસા કાઢી લેતી આંતરરાજ્ય ગેંગ ઝડપાઇ

  • ATMમાં ‘કળા’ કરી પૈસા કાઢી લેતી આંતરરાજ્ય ગેંગ ઝડપાઇ

રાજકોટ તા.9
21મી સદીમાં ભેજાબાજ ગઠિયાઓ આધુનિક ટેક્નોલોજીની મદદથી વિવિધ ગુનાઓને ખુબ આશાનીથી અંજામ આપતા હોય છે ત્યારે હરિયાણાના માત્ર બે ચોપડી ભણેલા શખ્સે ગામના અન્ય ચાર લોકો સાથે મળી ગેંગ બનાવી ગ્રામજનો પાસેથી એટીએમ કાર્ડ મેળવી રાજકોટ સહીત 7 રાજ્યોમાં અઝખ સેન્ટરમાં જઈ પૈસા કાઢી અઝખ મશીન બંધ કરી વિડ્રો નહિ થયા હોવાનું જણાવી ફરિયાદ કરી બીજીવાર પૈસા જમા કરાવી છેતરપિંડી આચરતા મુખ્ય સૂત્રધાર સહીત બે શખ્સોને સાયબર ક્રાઇમ પોલીસ સ્ટેશને દબોચી લઇ 60 કાર્ડ કબ્જે કર્યા છે અને વધુ 3ની શોધખોળ હાથ ધરી છે.
રાજકોટ હોસ્પિટલ ચોકમાં આવેલ એસબીઆઇની મુખ્ય બ્રાન્ચના મેનેજર રમેશભાઈ જીવાભાઈ ચાવડાએ પોતાના અઝખ મશીનોમાં અમુક ટ્રાન્જેક્શન ગેરરીતિ આચરી કરવામાં આવ્યા હોવાની સાયબર ક્રાઇમ પોલીસ સ્ટેશનમાં ફરિયાદ નોંધાવતા પોલીસ કમિશ્નર મનોજ અગ્રવાલ, જેસીપી ખત્રી, ડીસીપી શૈની, ડીસીપી જાડેજા, એસીપી સાયબર ક્રાઇમ જી ડી પલસાણા, જે એસ ગેડમ, પીઆઇ એન બી દેસાઈ, બી એમ કાતરીયાના સીધા માર્ગદર્શન હેઠળ પીએસઆઇ ડી બી ગઢવી, કે જે રાણા, એસ એસ નાયર અને સ્ટાફના માણસોએ જે જે અઝખમાં ગેરરીતિ આચરી હોય તે અઝખના સીસીટીવી ફૂટેજ અને ટેક્નિકલ સર્વેલેન્સની મદદથી આ ગુનાને અંજામ આપનાર ટોળકી સુધી પહોંચવામાં સફળતા મેળવી હતી.