દુષ્કર્મના આરોપીને પોલીસ પકડે તે પહેલા ઝેરી દવા પીધી

  • દુષ્કર્મના આરોપીને પોલીસ પકડે તે પહેલા ઝેરી દવા પીધી

રાજકોટમાં શિક્ષિકાને પ્રેમજાળમાં ફસાવી કાકા-ભત્રીજાએ હવસનો શિકાર બનાવ્યા બાદ ભાગી ગયેલા ભત્રીજાએ પોલીસ પકડથી બચવા સુરેન્દ્રનગરમાં ઝેરી દવા પી લેતા હોસ્પિટલમાં પોલીસ જાપ્તા હેઠળ દાખલ કરવામાં આવ્યો છે તે ભાનમાં આવ્યા બાદ રાજકોટ પોલીસ તેનો કબ્જો લેવામાં આવશે તેમજ જે કારમાં અપહરણ કર્યું હતું તે કાર કબ્જે લઇ પકડાયેલ મુન્નાના રિમાન્ડ આજે પુરા થતા હોય જેલહવાલે કરવામાં આવશે
ચોટીલાના થાનગઢના સિરામિકના ધંધાર્થીની શિક્ષિકા પુત્રીને વનરાજસિંહ સાથે પ્રેમ સંબંધ બંધાયો હતો. પ્રેમી પરણિત હોય આ અંગે ખબર પડતા યુવતીએ સંબંધ તોડી નાખતા આરોપી વનરાજસિંહે પરાણે સંબંધ રાખવા દબાણ કરી પરિવારને ત્રાસ આપવાનું શરૂ કર્યું હતું ગત તારીખ 2ના રોજ વનરાજસિંહના કાકા ધર્મેન્દ્રસિંહે સમાધાન માટે યુવતીને રાજકોટ બોલાવી કાકા-ભત્રીજાએ કારમા અપહરણ કરી ગોંડલ સહીતના સ્થળે ગોંંધી રાખી ધર્મેન્દ્રસિંહ ઉર્ફે મુન્નાની દાનત ખરાબ થતા તેણે તબેલામા જાનથી મારી નાખવાની ધમકી આપી, બટકા ભરી હેવાનીયત ભર્યો બળાત્કાર ગુજાર્યો હતો.જેમાં ધર્મેન્દ્રસિંહની ધરપકડ કરી બે દિવસના રિમાન્ડ મેળવ્યા હતા અને ગુનામાં વપરાયેલ કાર કબ્જે કરી હતી આજે તેના રિમાન્ડ પુરા થતા હોય 
સાંજે જેલહવાલે કરવામાં આવશે જયારે નાસી છૂટેલા વનરાજસિંહ પોલીસ પકડથી બચવા માટે સુરેન્દ્રનગરમાં ઝેરી દવા ગટગટાવી લેતા તેને સારવાર અર્થે હોસ્પિટલમાં દાખલ કરવામાં આવ્યો હતો જ્યાં તેના ઉપર પોલીસ જાપ્તો મૂકી દેવામાં આવ્યો છે હાલ બેભાન હોય ભાનમાં આવ્યા બાદ યુનિવર્સીટી પોલીસ સ્ટેશનના સ્ટાફ દ્વારા આરોપીનો કબ્જો લઇ ધોરણસરની કાર્યવાહી કરવામાં આવશે.