બીસીસીઆઈના સીઈઓને#METOOનું ગ્રહણ આઈસીસીની બેઠકમાં હાજર નહીં રહી શકે

નવીદિલ્હી તા,15
મીટૂ કેમ્પેન અંતર્ગત યૌન શોષણના આરોપોનો સામનો કરી રહેલાં બીસીસીઆઈના મુખ્ય કાર્યકારી અધિકારી (સીઈઓ) રાહુલ જૌહરી આઈસીસીની બેઠકમાં ભાગ નહીં લઈ શકે. તેમના બદલે બીસીસીઆઈના કાર્યકારી સચિવ અમિતાભ ચૌધરી આઈસીસીની બેઠકનું પ્રતિનિધિત્વ કરશે. આઈસીસીની આ બેઠકમાં સિંગાપુરમાં 16થી 19 ઓક્ટોબર વચ્ચે થશે.
બીસીસીઆઈના ઈઘઅ પ્રમુખ વિનોદ રાયના જણાવ્યા મુજબ રાહુલને વિસ્તૃત સ્પષ્ટીકરણ માટે 14 દિવસનો સમય માંગ્યો હતો પરંતુ મેં તેમને સ્પષ્ટ રીતે કહ્યું છે કે આ મુદ્દે 14 દિવસ સુધી ખેંચી ન શકાય કેમકે તેનાથી બીસીસીઆઈ કાર્યાલય પ્રભાવિત થશે.
જોકે તેઓ પોતાના વકીલોની સાથે ચર્ચા કરવા માગે છે, તેથી મેં તેમને આઈસીસીની બેઠકથી છૂટ મેળવવાની મંજૂરી આપી દીધી છે.
મીટૂ કેમ્પેન અંતર્ગત એક મહિલા લેખકે બીસીસીઆઈના મુખ્ય કાર્યકારી અધિકારી (સીઈઓ) રાહુલ જૌહરી પર યૌન શોષણના આરોપ લગાવ્યાં છે.
2016માં બીસીસીઆઈમાં આવતાં પહેલાં જૌહરી ડિસ્કવરી નેટવર્ક એશિયા-પેસિફિક (દક્ષિણ એશિયા)ના કાર્યકારી ઉપાધ્યક્ષ હતા. તેમના પર મહિલા લેખકે નોકરી આપવાના બદલે ફાયદો ઉઠાવવાનો આરોપ લગાવ્યો છે. મહિલા લેખક હરનિદ્ધ કૌરે પોતાના ટ્વીટર હેન્ડલ પર કેટલાંક સ્ક્રીનશોટ્સ પણ જાહેર કર્યાં હતા જેમાં તેને આપવીતી લખી છે.