મહિલા નિર્દેશકોનો દિશાચીન્હ નિર્ણય

મુંબઈ તા.15
ભારતમાં ખયઝજ્ઞજ્ઞ અભિયાન શરૂ થતા જ ચોંકાવનારી ઘટનાઓ સામે આવી રહી છે. દિગ્ગજો પર લાગેલા આરોપોને કારણે મોટા-મોટા પ્રોજેક્ટ્સ ઠપ્પ થઈ ગયા છે. જો કે હવે બોલીવુડની મહિલા ફિલ્મ નિર્દેશકો-નિર્માતાઓ દ્વારા મોટો નિર્ણય લેવામાં આવ્યો છે. સોશિયલ મીડિયા પર ફેમસ ફિલ્મમેકર ઝોયા અખ્તરે એક નોટ શેર કરી છે, જેમાં એવા કોઇપણ વ્યક્તિ સાથે કામ કરવાની ના છે જેની પર જાતિય શોષણની ઘટના સાબિત થઇ હોય.
આ નોટમાં લખવામાં આવ્યું છે કે આ પ્રોડ્યૂસર અને ડાયરેક્ટર્સે જાતિય શોષણની પોતાની વાત શેર કરનારનું સમર્થન અને દોષી સાબિત થનારા કોઇપણ વ્યક્તિ સાથે કામ ના કરવાનો નિર્ણય લીધો છે. કોંકણા સેન શર્મા, નંદિતા દાસ, મેઘના ગુલઝાર, ગૌરી શિંદે, કિરણ રાવ, રીમા કાગતી અને ઝોયા અખ્તર જેવા નિર્દેશકો એ 11 ફિલ્મ નિર્માતાઓમાં સામેલ છે જેમણે ભારતનાં ખયઝજ્ઞજ્ઞ અભિયાનને પોતાનું સમર્થન આપવાની પ્રતિબદ્ધતા જાહેર કરી છે.
નિર્દેશકો દ્વારા જાહેર કરવામાં આવેલા નિવેદનમાં કહેવામાં આવ્યું છે કે, મહિલા અને ફિલ્મ નિર્માતાઓનાં રૂપમાં અમે ખયઝજ્ઞજ્ઞ ઇન્ડિયા અભિયાનને પોતાનું સમર્થન આપવાનો નિર્ણય કર્યો છે.