મધ્યપ્રદેશના રેડ-કાંડમાં પ 281 કરોડ રોકડા અને 230 કરોડનું હવાલા-કાંડ!

  • મધ્યપ્રદેશના રેડ-કાંડમાં પ 281 કરોડ રોકડા અને 230 કરોડનું હવાલા-કાંડ!
    મધ્યપ્રદેશના રેડ-કાંડમાં પ 281 કરોડ રોકડા અને 230 કરોડનું હવાલા-કાંડ!

 રૂા.20 કરોડ એક મોટા રાજકીય પક્ષના વરિષ્ઠ નેતાને ટ્રાન્સફર કરાયા
ભોપાલ તા,9
મધ્ય પ્રદેશના મુખ્યપ્રધાન કમલનાથના પૂર્વ અંગત સચિવ પ્રવીણ કક્કડ સહિત મુખ્યપ્રધાનના નિકટવર્તી વર્તુળોના 50 લોકોના સરનામે રવિવારથી શરૂ થયેલી આવકવેરા તપાસ સોમવારે બીજા દિવસે પણ ચાલી રહી હતી. મધ્ય પ્રદેશમાં આવકવેરા વિભાગે દરોડા પાડીને કરેલી તપાસ કામગીરી દરમિયાન બીજા દિવસે રૂપિયા 281 કરોડના બિનહિસાબી રોકડ કૌભાંડનો ભાંડો ફૂટયો છે. મોડી સાંજે સીબીડીટીએ જણાવ્યું હતું કે રાજકારણ, વેપાર અને સરકારી સેવાઓ સાથે સંકળાયેલા લોકોને ત્યાં થયેલી તપાસ દરમિયાન આ રોકડ કૌભાંડ સામે આવ્યું છે. સીબીડીટીના જણાવ્યા મુજબ રોકડનો મોટો ભાગ હવાલાની મદદથી એક મોટા રાજકીય પક્ષને દિલ્હી ખાતે ટ્રાન્સફર થયો હતો. તેમાં રૂપિયા 20 કરોડની રકમનો પણ સમાવેશ થાય છે કે જેને પક્ષના વરિષ્ઠ પદાધિકારીના તુઘલક રોડ ખાતે આવેલા નિવાસે ટ્રાન્સફર થયા હતા. પક્ષના વરિષ્ઠ પદાધિકારીઓના નજીકના સગાંને ત્યાં દિલ્હીમાં થયેલી તપાસ દરમિયાન સંખ્યાબંધ પુરાવા હાથ લાગ્યા છે. તેમાં કેશબુકનો પણ સમાવેશ થાય છે કે જેમાં 230 કરોડના બેનામી વ્યવહારોનો ઉલ્લેખ છે. સીબીડીટીના જણાવ્યા મુજબ કેશબુક ઉપરાંત 242 કરોડ રૂપિયાના બનાવટી બિલની મદદથી થયેલી હેરફેર અને ટેક્સ હેવન કહેવાતા દેશોમાં આવેલી 80 કંપનીના પુરાવા પણ મળ્યા છે.
સીબીડીટીએ એમ પણ જણાવ્યું હતું કે દરોડાની કામગીરી દરમિયાન 14.6 કરોડની બિનહિસાહી રોકડ, શરાબની 252 બોટલ, હથિયાર, વાઘના ચામડાં પણ મળી આવ્યા હતા. જબલપરના હવાલાકાંડ અને દિલ્હીના એક ઉદ્યોગપતિને ત્યાં પડેલા દરોડા વખતે મળેલી જાણકારીના તાર ભોપાલના અશ્વિન શર્મા અને ઈંદોરના લલિત છજલાની સુધી સ્પર્ષ્યા હતા. તે શૃંખલામાં જ પ્રવીણ કક્કડ અને આર.કે.મિગલાનીના નામ સંકળાતાં આવકવેરા વિભાગે આ કાર્યવાહી કરી છે. અધિકારીઓનું કહેવું છે કે 281 કરોડ રૂપિયાના બેહિસાબી વ્યવહારોના દસ્તાવેજો મળી આવ્યા છે અને તેની તપાસ થઈ રહી છે.
આવકવેરા વિભાગને જાણકારી મળી હતી કે રાજ્યમાં 200 કરોડ જેટલી રકમ જમા થઈ છે અને મધ્ય પ્રદેશથી હવે દિલ્હી શિફ્ટ થવામાં હતી. થોડા સમય પહેલાં મધ્ય પ્રદેશથી રૂપિયા 20 કરોડ હવાલાથી દિલ્હી મોકલવામાં આવી હતી.
હવાલા કરનારો શખસ દિલ્હીની ગીતા કોલોનીમાં રોકાયો હતો. ઉપરાંત મધ્યપ્રદેશના મુખ્યપ્રધાનના સાળા દીપક પુરીની મોજેર બેયર કંપની દ્વારા થયેલું રૂપિયા 600 કરોડનું ટ્રાન્ઝિક્શન પણ આવકવેરા વિભાગના રડારમાં હતું.